قصة لا زلت ف الثلاثين – الفصل التاسع عشر
في الحلقة السابقة: قصة لا زلت ف الثلاثين – الفصل الثامن عشر
قصة لا زلت ف الثلاثين – الفصل التاسع عشر
دققت هاجر فى ان دى عربيه عمر وانه جواها ,وكمان دقتت فى رقيه ,اخر اتنين تتوقع انهم يجتمعوا فى مكان واحد عمر ورقيه
دخلت رقيه البيت واول ما دخلت شافت هاجر فى وشها واستغربت لانها دايما تقابلها صدفه ولكن نظره هاجر اكدت لرقيه انها استنتها واستنتجت انها شافت عمر وهو بيوصلها
هاجر:انتى كنت راجعه مع مين ؟
رقيه:وده تحقيق بقى ولا ايه ؟
هاجر:مش تحقيق ولا حاجه غريبه بس انك ترجعى مع حد
رقيه:لا عادى ده شغل يعنى
هاجر:ومالك فرحانه كده ليه
رقيه:انا فرحانه انا ,عادى يعنى
هاجر:يعنى مفيش بينك وبينه حاجه
رقيه:حاجه ايه ,ده ابن صاحبه الفيلا اللى بنشتغل فيهــــــا
هاجر:اها قولتيلــــى ,طيب
دخلت هاجر لاوضتها بعد ما عرفت الموضوع وسط شك رقيه لانها مش عارفه هى سألتها ليه ,وايه اهتمامها الغريب ده من امتى هاجر بيهمها حال رقيــــه بس فرحتها بقلب عمر خلاها تدخل اوضتها تفرح بيه
_____________________
فات الليل على هاجر وهى فى حيره كبيره ,ايه اللى جمع رقيه بعمر وحتى لو شغل فأكيد مش هيوصلها ورقيه عندها عربيه .ده غير الفرحه اللى فى عيون رقيه اللى قلقتها زياده
رقيه فى اوضتها وهى فرحانه وقلقانه وخايفه ومش مصدقه مش لاقيه شعور يوصف لحالتها اول مره تتعرض لموقف زى ده وشاب زى عمر هو اللى يجى يقولها بحبك وكل شويه تفتكر كلامه وتحس قد ايه هى كانت ساذجه فى رد فعلها بس لانها مكنتش عارفه تعبر وخافت من حاجتين لتكون فرحتها لان عمر اول راجل يقول كده مش علشان عمر نفسه وخافت لتكون مجرد بنت مختلفه شدته وفتره وهتعدى
____________________
قاعد عمر بيفكر فى نظرات رقيه ليه وفى مستقبله اللى لازم يبنيه علشانها هى وبس وفى وسط دوشه دماغه دى رن موبايله وعلى غير العاده كانت مامته
منال:ازيك يا بيبى
عمر:الحمد لله ,انتى عامله ايه
منال:الحمد لله ,انا هرجع من السفر بكره وهعد فى فيلا المعادى مش هتيجى بدل الدوشه اللى عندك دى
عمر:لا يا ماما انا مبسوط هنا وكمان عاوز اكلمك فى موضوع كده
منال:خير
عمر:انا اشتغلت
منال:اشتغلت ده من امتى ده وروحت شركه ايه
عمر:مش شركه تبعنا يا ماما ,انا اشتغلت فى مكان تانى ,عاوز اعتمد على نفسى
منال:هيبقى لينا كلام فى الموضوع ده لما ارجع ,انت لازم تجيلى بكره
عمر:اها اوكى ,انا فعلا لازم اجيلك لان مش هو ده الموضوع اللى عاوزك فيه بس
منال:هو انا غيبت خمس سنين وانا معرفش
عمر:لما تيجى يا ماما سلام
قفل عمر مع مامته وهو مضايق من اسلوبها وطريقتها وخاف على موضوعه مع رقيه ,لانها مجهزاله عروسه من زمان وده مش اهتمام بيه ولكن مصالح الشركات اهم من اى حاجه ,بس فى الاخر اقنع نفسه بأن رقيه تعمل المعجزات لانها اصلا معجزه
____________________
قاعد على بالليل على الكمبيوتر ومنى شايله يوسف علشان بيعيط وعياطه ميجيش حاجه جنب عياط قلبها من جوه ,لانها عارفه على بيعمل ايه وبرغم كده مش قادره كل ما تبص ليوسف تستحمل اكتر وتقول اكيد هيفوق اكيد ولما نام يوسف
فكرت فى ان العيب ممكن يكون فيها ممكن انها اهملته ,مش مهتمه بنفسها
وقفت قدام الدولاب تنقى اشيك حاجه عندها فشافت الفستان اللى جبهولها على فى اول عيد جواز ليها ولبسته واحت لعلى بعد ما شغلت اغنيه هاديه لام كلثوم
منى :ما تسيبكـــ من الشغل ده شويه وتعالى نعد مع بعض شويه
على :مشغول اوى يا منى مش وقته
قربت منى منه
منى:يا حبيبى مش وقت الشغل ده قوم بس
قام على مع منى وساب هاجر تكلم الكمبيوتر
وفضلت ترن علىيه وكالعاده الموبايل مغلق
منى :وحشتنى اوى يا حبيبى
على :وانتى كمان وحشتينى ,بس ايه الدلع ده
منى:يا حبيبى من هنا ورايح هو ده النظام
_____________________
دخلت رقيه الفيلا و دورت عيونها على عمر فى كل مكان ملقتهوش فرن موبايلها باسم عمر
عمر:صباح الخير
رقيه:صباح النور
عمر:انتى فين
رقيه:انا هنا
عمر:هنا فين
رقيه:هنغنى بقى
عمر:غنى غنى
رقيه:صوتى وحش
عمر:الصوت ده وحش ده ده ,ده انا هعمله نغمه موبايلى ,متدوريش عليا بقى انا شايفك شايفك
رقيه:مش بدور اصلا
عمر:لا بتدورى اصلا اصلا ,عموما انا مش هنا
رقيه:اومال فين
عمر:هنهزر بقى ورانا مستقبل بيضيع انا فى الشغل ولما اخلص هروح لماما اكلمها عليكى
رقيه:عليا انا
عمر:لا عليا انا ,ايون يا قلبى عليكى انتى ,هو انا ليه حاسس انك مخضوضه
رقيه:لان انا مخضوضه فعلا ,هو انت بتحبنى فعلا ؟
عمر:لا لو على الحب فانا مش بحب بس ده انا عاشق ,يا بنتى عمر عبدالرحمن طب خلاص ,والله صعبان عليا البنات
رقيه:ليه يعنى
عمر:بهزر يا قلبى الله
رقيه:ماشى ماشى
عمر:عموما انا لازم اشوفك اعملى كل حاجه فى الفيلا عل مهلك على مهلك وعقبال فيلتنا
رقيه:انا هقفل بقى لانى ورايا شغل
عمر:احم احم وانا كمان ع فكره مفيش حد احسن من حد هتوحشينى
_____________________
عمر ومنال بيتكلموا مع بعض
منال:ايه اللى انتى بتقوليه ده يا عمر
عمر:قولت ايه يا ماما بحب رقيه وعاوز اتجوزها
منال:انت تحب دى عمر عبدالرحمن ,انت مش شايفها عامله ازاى
عمر:عامله ازاى هى لازم تكون ملونه زى البنات علشان تعجب
منال:مش استايلك يا عمر
عمر:هى فعلا مش استايلى لانها احسن منى بكتير
منال:ياااااااه هى قدرت تعمل فيك كل ده
عمر:انا مش هتجوز غير رقيه يا ماما
مشى عمر من غير ما يسمع مامته بتقول ايه ولا يكمل كلامه ليها
تابع الحلقة القادمة من: قصة لا زلت ف الثلاثين – الفصل العشرون
تابعونا علي صفحة قصص واقعية علي الفيس بوك لمزيد من القصص
