الحلقة الثامنة من قصة: لم يكن الأخير
الحلقة الثامنة من قصة: لم يكن الأخير
فى اليوم التالى ليلى صحيت من بدرى وجهزت نفسها وطلعت لقت مصطفى مستينها قدام المدينه وراحو الجامعه سوا وسجلو اساميهم مع بعض وليلى قالت للدكتور ان علياء قالتلها تسجلها هى و إياد مع بعض والدكتور وافق علشان عارف ان ليلى وعلياء اصحاب وليلى كلمت كل اصحابها هى وعلياء علشان يرفضو انهم يبدلو مع علياء فى المشروع …علياء اول لما جت الجامعه دورت على ليلى علشان تعتذر لها على اللى حصل امبارح
علياء:ليلى اخيرا لقيتك…انا بدور عليكى من بدرى كنت فاكراكى فى المكتبه
ليلى:لا انا هنا
علياء:مصطفى انت ايه اللى جابك هنا
مصطفى:لا كنت بعمل حاجه ولقيت ليلى قولت اسلم عليها…انا ماشى سلام (مشى وشاور لليلى تكلمه)
علياء:انا اسفه على اللى حصل امبارح انا مبحبش حد يدخل فى حياتى بس
ليلى:بس انا مش اى حد وانتى لسه بتحبى إياد علشان كده انا شيفه انك لازم تدى له فرص
علياء:بصى ياريت منتكلمش فى الموضوع ده
ليلى:طب يلا المحاضره هتبداء
دخلو المحاضره وهم فى اخرها الدكتور قال اسماء المجموعات علياء اتصدمت لما لقت اسمها مع إياد
علياء:ازى يحصل كده
ليلى:انا سجلت لك اسمك مع إياد
علياء:وليه عملتى كده
ليلى:لو عاوزه تبدلى مع مصطفى يبقى لازم تسمعيه هو عاوز يقولك ايه
علياء:انا مش مضطره اسمعه علشان ابدل انا هروح للدكتور وهو هيبدلى
علياء راحت للدكتور وليلى راحت ورها علشان تتاكد ان الخطه ماشيه صح
علياء:لو سمحت يادكتور انا عاوزه ابدل الشخص اللى معايا فى المشروع
الدكتور:مفيش مشكله….. هتبدلى مع مين مع ليلى
علياء:لا يادكتور انا عاوز ابدل مع مصطفى يعنى انا وليلى مع بعض
ليلى:انا مش عاوز ابدل انا ومصطفى اتفقنا على المشروع خلاص
الدكتور :خلاص ياعلياء انا مقدرش ابدلك لازم يكون فى حد تبدلى معاه
علياء:خلاص اشتغل لوحدى
الدكتور :لا ماينفعش لازم يكون اتنين
علياء:طب انضم ل مصطفى وليلى
الدكتور :لا هو العدد لازم يبقى اتنين علشان بيقى فى تكافؤ فرص بين المجموعات
علياء:يعنى مفيش حل
الدكتور: الحل الوحيد انك تشوفى حد تبدلى معاه
علياء: اوك ماشى شكرا يادكتور
ليلى:مفيش قدامك حل غير انك تسمعى مصطفى
علياء:لا اكيد فى حد هيرضى يبدل معايا
علياء لفت على اصحابهم كلهم تترجاهم يبدلو معاها بس كلهم بعد ماليلى بتغمز لهم مش بيوافقه وفى الاخر
علياء:الظاهر مفيش حل
ليلى:انتى هتنقصى ايه لو سمعتى مصطفى وانا بقولك ارجعى لإياد اسمعى مصطفى وبس
علياء:لو سمعته هيبدل معايا
ليلى:اكيد
علياء:تمام موافقه
هم الاتنين راحو لمصطفى وليلى كلمت مصطفى قالت له انهم جاين ولما راحو علياء سمعت كلام مصطفى
علياء:طيب وانا ايه اللى يثبت لى ان كلام صحيح وان البنت دى فعلا استغلت إياد
مصطفى:انا لما عرفت انكم جاين اتصلت بيها تجى
ليلى:ياسلام وهى لو بنت سمويه زى مانت بتقول اكيد هتكذب
مصطفى:لا مهو انتو هتستخبو فى اوضتى وتسمعونى وانا بكلمها
علياء:ماشى موافقه
صوت سهر بتنادى مصطفى
علياء وليلى استخبو بسرعه
سهر :هاى مصطفى ازيك
مصطفى:انا كويس
سهر انا مبسوطه جدا انك اتصلت بيا
مصطفى:اه اصلك اخر مره لما كنت هنا مشيتى اول لما انا صحيت وكان فى خناق ومشاكل معرفتش اتكلم معاكى
سهر:اه ده كان يوم
مصطفى:انا عاوز اسالك سؤال ..انت صحيح فى بينك وبين إياد زى مابيقولوا
سهر تضحك: إياد لا طبعا انت مش عارف إياد ولا ايه نظام بنت واحده وافضل احبها طول حياتى والكلام الاهبل ده …هى مامته دخلت وهو بيحضنى علشان انا كنت مضايقه شويه
مصطفى:وهو لما انتى تبقى مضيقه إياد يحضنك ليه
سهر :انا حسيت انى عاوز ابكى فى حضن حد ..ايه بتغير عليا (تقرب من مصطفى وتحضنه وفجاه تليفونه يرن ويلقى اسم ليلى علي الموبيل)
سهر :مين الرخم ده
مصطفى:دى ..دى ماما
سهر :مامتك …!!
مصطفى:قصدى مامت إياد…الو ايوه ياطنط
ليلى: ايو يازفت انت هتفضل تحب فيها كتير علياء خلاص عرفت اللى احنا عاوزينه قولها تمشى احسن اطلع اجبها من شعرها انا زهقت من القعده هنا
مصطفى:ايه ياخبر ياطنط خلاص انا جاى حالا ..سلام
سهر: ايه فى ايه
مصطفى:معلش ياسهر انا همشى دلوقتى إياد تعبان جدا وانا لازم اروح له
سهر:خلاص روح وانا هستناك هنا
مصطفى:لا تستنينى ايه انا هبات هناك روحى انتى وانا هتصل بيك
سهر:تمام انا همشى سلام (تسلم عليه وتبوسه من خده)
ليلى وعلياء يطلعو من جوه
مصطفى:سمعتى بنفسك
علياء:الظاهر انى فعلا كنت ظالمه إياد
مصطفى:اخيرا
ليلى: واضح انك كنت مبسوط معاها قوى
مصطفى:الحمد لله انها مشيت بدل مكنت اكلتيها
ليلى :لا خلاص نمشي احنا وروح الحقها يلا الحقها
علياء:انتو مش هتبطلو تتعاملو مع بعض كده ابدا
ليلى:خلاص …بس هنعمل ايه دلوقتى مع إياد
مصطفى :انا عندى الحل انا هكلمه دلوقتى اقوله يجى ونطلع بالمركب ونفاجئو فى وسط البحر انكم هنا والباقى عليكى ياعلياء
ليلى:طب وليه نستنى لحد لما نبقى فى وسط البحر مانقوله هنا وخلاص
مصطفى:مهو ممكن يطلع عنيد زى صحبتك ويبوظ كل حاجه
ليلى:صح معاك حق
علياء:خلاص كلمه دلوقتى
مصطفى كلم إياد وإياد جه ومصطفى طلع بالمركب وفى وسط البحر علياء طلعت لإياد اللى كان قاعد بيتفرج على البحر وهو زعلان
إياد:علياء…!!
علياء:ازيك ياإياد
إياد:انا كويس وانتى
علياء:انا تمام
إياد:كويس
علياء:انا مش عارفه ابداء الكلام اللى انا عاوزه اقوله ازى …بس انااااااااااا بحبك وكان لازم اغير لما اعرف انك مع واحده تانية
إياد:بس انا…..
علياء:انا عارفه انى ظلمتك بس انا اسفه انى مرضتش اسمع بس ليلى ومصطفى فهمونى كل حاجه وانا جايه اطلب منك تسامحنى
إياد:انت اللى المفروض تسامحينى…انا مش هكذب عليكى تانى…انا بحبك
علياء:وانا كمان (إياد باس ايد علياء)
مصطفى: من بعيد اخيرا
ليلى:خلاص بقى سيبهم براحتهم
مصطفى :خليكى فى حالك انتى
ليلى:خلاص خليك انت زى العزول كده
مصطفى:خلاص سبتهم فى حالهم اهو …ايه هنعمل ايه بقى
ليلى:معرفش
مصطفى:مجبتيش معاكى كتاب زى المره اللى فاتت ليه
ليلى:عادى نسيت
مصطفى:طب هنعمل ايه دلوقتى…ايه رايك نلعب بنت ولد جماد
ليلى:بس انا اللى هقول اول حرف
مصطفى:موافق
وقعدو يلعب لحد باليل وبعدين رجعو كلهم باليخت ومصطفى وصل ليلى للمدينه
عند المدينه
ليلى:كان يوم حلو قوى
مصطفى:اه فعلا …هتوحشنى الايام اللى غلسنا فيها على بعض
ليلى:احنا لسه هنشوف بعض ..احنا فى مشروع واحد انت نسيت
مصطفى:اه صح
ليلى:لازم تجى بكره علشان نتكلم فى المشروع تصبح على خير
مصطفى:تصبحى على خير
تانى يوم فى الجامعه مصطفى اول مره يحضر محاضره و بعد المحاضره الدكتور وزع ورق اللى فى درجات الامتحان
ليلى لقت مكتوب فى ورقتها انها ناجحه بدرجتين بس
الدكتور :ليلى تعالى لى بعد المحاضره انا عاوزك
علياء:ورينى كده جبتى كام
ليلى خبت ورقتها وطلعت راحت لدكتور
علياء :طيب احنا هنستناكى فى المكتبه
فى مكتب الدكتور
الدكتور :انا مش مصدق انى دى ورقتك بس اناعارف خطك كويس..ازى جبتى الدرجه دى
ليلى:اناااااا…معلش يادكتور انا مكنتش مركزة كويس يومها
الدكتور:لا مينفعش كده ..لازم تركز دى اخر سنه وانت كده هتضيع منك منحة الماجستير
ليلى:انا اسفه انا هركز بعد كده
الدكتور :انا عشان انتى احسن طالبه عندى هديكى فرصه تانى الامتحان ده ان جهزته وانت حليه دلوقتى والدرجه اللى هتجبيها هى اللى هحطها
ليلى:اوك يادكتور
ليلى خدت الامتحان وبدأت تحل لكن مكانتش فاكره معظم الحاجات والدكتور خد الورقه وعلمها وبرضو جابت 70 من 100
الدكتور زعق لليلى جامد وقالها انها بقت فاشله وانه فقد ثقته فيها
ليلى طلعت من مكتب الدكتور زعلانه وبتعيط
فى المكتبه علياء ومصطفى وإياد مستينين ليلى بس عدت ساعه وهى ماجتش …علياء اتصلت بيها على موبيلها تليفونها مقفول
طلعو يدوروا عليها مش لقينها حتى لما راحو للدكتور قالهم هى مشيت من نص ساعه راحو على المدينة مش لاقينها ودور فى كل حته مش موجوده
مصطفى:انا كده قلقت انا خايف اقول ندور فى المستشفيات
علياء:مهو مش فاضل مكان تانى ندور فيه
بداءو يدور فى كل المستشفيات ومش لاقين ليها اثر
مصطفى:هتكون راحت فين يعنى…..
علياء:الوقت اتاخر جدا انا بدات اقلق عليها
تليفون علياء يرن
علياء:ريم؟؟ عاوز ايه دى دلوقتى …الو
ريم:الو …ازيك ياعلياء
علياء:تمام
ريم:هى ليلى قفله تليفونها ليه
علياء:ماعرفش ..انتى بتسالى ليه
ريم :اصلى كنت عاوز اطمن عليها حرام اللى حصل معاها ده …انا سمعت الدكتور وهو بيزعقلها
علياء:دكتور ايه؟
ريم:انا بصدفه كنت عند مكتب الدكتور وهو بيزعق لها علشان جابت درجه واحشه فى الامتحان … بس ياحرام دى مستوها نزل خالص تجيب 70 من 100 الدكتور قالها انها احتمال تخسر منحة الماجستير
علياء:وكل ده عرفتيه بالصدفه برضو؟؟
ريم :الحق عليا انى بعرفك ايه اللى حصل مع صاحبتك
علياء:ياريت تخليكى فى حالك شويا
ريم :انا هعزرك بس علشان اكيد انتى مضايقه انك عرفتى الخبر منى ..سلام
علياء:سلام
علياء:ريم بتقول ان ليلى جابت درجه وحشة والدكتور زعقلها
إياد:وهى علشان كده طلعت من غير ماتعدى علينا و مختفية لحد دلوقتى
علياء:ماهيا كده ممكن تخسر منحة الماجستير ومع حالة عائلتها الماديه فهى مش ممكن تخسرها
مصطفى:ليلى دى غربيه جدا
إياد:مش ممكن تكون هى دلوقتى قاعده بتذاكر واحنا اللى هبل واقعدين ندور عليها
مصطفى:مهى الشخصيات اللى زيها كده لما تضايق تذاكر اكثر
علياء:انا افتكرت حاجه يلا بينا بسرعه
إياد:على فين ؟؟؟
علياء:فى مكان كانت ليلى قالت لى انها بتروحو لما تبقى مضايقه
إياد:بس الوقت اتاخر
علياء:خلاص ده اخر مكان هنروحه
إياد:تمام يلا بينا
راحو كلهم على الجنينة اللى علياء وليلى رحوها قبل كده بس ليلى ماكنتش هناك
علياء:لا كنت متوقعه نلقيها هنا …هتكون فين يعنى
إياد:ماتقلقيش يا علياء هى كويسة احنا سالنا عليها فى كل المستشفيات ..ده معنى انها كويسه ان شاء الله
علياء:طيب هتكون فين
مصطفى:اكيد راحت حته تغير فيها جو شويه
علياء:فين يعنى
مصطفى:يعنى انت عارف كل حته هى ممكن تكون فيها …يلا بينا نروح ولو ماجتش بكره الجامعه الصبح يبقى قول عليا مابفهمش حاجه
إياد:انا شايف ان كلام مصطفى صح
علياء:اوك
كلهم روحو البيت
فى اليوم التالى
علياء وإياد ومصطفى داخلو الجامعه ولقيت ليلى قاعده بتذاكر فى قاعة المحاضرات
علياء:ليلى.!
إياد:مش انا قولت تلاقيها بذاكر
علياء: انتى كنتى فين من امبارح؟
ليلى:عادى كنت فى المدينة
علياء:احنا مش المفروض كنا مستنينك فى المكتبة امبارح وماجتيش
ليلى:معلش كنت مضايقه شويه وروحت على طول
علياء:بس احنا اتصالنا بيكى ماردتيش وروحنا المدينة ومش لقيناكى
ليلى:اصلى اتمشيت شويا قبل ماروح….وماخدتش بالى ان الموبايل مقفول
مصطفى:يعنى احنا محروق دمنا عليكى وقلبنا الدنيا عليكى وانتى ماخدتيش بالك
ليلى( وبتبص للكتاب اللى في أيدها):انا مقولتش لحد يدور عليا
علياء:احنا كنا قلقنين جدا عليكى وطول اليوم بندور عليكى
ليلى:مين قال انى كنت تايه
علياء:احنا عرفنا انك جبتى درجه وحشه فى الامتحان واكيد كنتى مضايقه امبارح ومحتاجه اصحابك معاكى
ليلى:لا عادى انا قصرت فى المذاكره فطبيعى اجيب درجه وحشه
مصطفى:ايه الاستفزاز ده .انا ماشى حتى مفيش تقدير لقلقنا عليها
إياد:استنى مش هتحضر النهارده
مصطفى:لما تخلص يبقى عدى عليا
إياد:تمام
مصطفى مشى والدكتور دخل
علياء :هو فى ايه ياليلى
ليلى:الدكتور دخل نبقى نتكلم بعدين
ليلى فضلت تتعامل معاهم بطريقه غريبه طول اليوم وبعد ماخلصو كل المحاضرات ليلى طلبت من علياء تيجى معاها شويا علشان عاوزها
علياء :احنا بقينا لوحدنا ممكن تقولي لى ايه اللى حصل امبارح ده
ليلى: مفيش حاجه
علياء:يعنى الدكتور كان عاوزك فى ايه
ليلى:بيقولى انه لو مرجعش مستوايا زى الاول ممكن اخسر المنحه
علياء:اوف ..طيب وهتعملى ايه
ليلى:عادى انا اللى غلطانه ……علياء انا عاوزه ابقى انا وانتى فى المشروع مع بعض
علياء:طب ليه؟
ليلى:مش انتى كنت عاوزه كده
علياء:بس انتى اللى اختارتى مصطفى وانا مبسوطه مع إياد
ليلى:انا هبقى مرتاحه اكتر معاكى
علياء:خلاص انا هقول لمصطفى ونبدل
ليلى:بس قولى له انك انتى اللى عاوزه تبدلى
علياء:ليه؟
ليلى:علشان يوافق
علياء:اوك..يلا بينا علشان اتاخرنا على إياد
ليلى:بس انا مش هاجى معاكم
علياء:ليه؟
ليلى (تمشى وتسيبها):انا مش عاوز اطلع معاكم تانى..كفايه اللى حصل لحد دلوقتى
علياء:انتى قصدك على ايه
ليلى:ولا حاجه
علياء(بنرفزه):لا فى حاجه انتى من الصبح بتتعملى معانا بطريقه غربيه…امبارح طول اليوم احنا قلقانين عليكى ومقدرتيش ده وقولنا ماشى …طول اليوم بتتكلمى بالقطاره وانا بقول لنفسى معلش مضايقه شويه لكن تمشى وتسبينى بتكلم انا مش هستحمل اكتر من كده
ليلى:انا ماطلبتش من حد يستحملنى
علياء:انتى فعلا مستفزه جدا النهارده …بس انا مش همشى واسيبك زى مصطفى انا لازم افهم فى ايه(تمسك ليلى)مش هتمشى لا لما تقولى لى فى ايه
ليلى:عاوزه تعرفى فى ايه …فى انى بسببكم قصرت فى المذاكره وكنت هخسر حلمى
علياء:بسببنا؟
ليلى:إياد ممكن ياليلى تساعدينى اعمل مفاجئه لعلياء ..ياسلام طبعا وضيعى ياليلى اسبوع وبعدين سيادتك تزعلى من إياد ويلا ياليلى خروج وفسح علشان خاطر ليلى …كمان مصطفى لازم نرجع علياء وإياد لبعض وكمان اسبوع يضيع ..انا غبيه انا خليت حاجات تانية تشغلنى عن هدفى انا بقى لى 3 سنين عمرى مقصرت من يوم ماعرفتك وكل حاجه اتغيرت
علياء:انتى يعنى شيفه انك كنتى الاول طبيعيه
ليلى:انا كنت الاول مبسوطه اكتر
علياء:انا مش هزعل منك علشان انا عارفه قد ايه المنحه مهمه ليكى …بس انا لازم امشى دلوقتى قبل مانزعل من بعض
علياء تمشى
ليلى بتكلم نفسها: انا ايه اللى انا عملته ده
ليلى روحت على المدينة وعلياء طلعت لإياد وسالها عى ليلى بس هى قالتله يلا بينا هى عاوز تكون لوحدها النهارده
علياء وإياد راحو لمصطفى اليخت
مصطفى:امال فىن الانسه ماخدتش بالى
إياد:عاوزه تبقى لوحدها النهارده
مصطفى :لوحدها ليه ؟
علياء(بنرفزه):خلاص بقى هى عاوزه كده
مصطفى:خلاص انتى اتنرفزتى ليه
إياد:خلاص يلا نتكلم شويا فى المشروع
مصطفى:طيب ليلى مجتش نتكلم فى المشروع ليه
علياء:مهى ليلى كانت عاوزنى انا وهى نبقى مع بعض فى المشروع
مصطفى :ايه ؟
علياء:هى هتبقى مرتاح اكتر كده وقالت لى اقولك علشان نروح نبدل بكره
مصطفى:طيب وليه؟
علياء:انا معرفش ؟
مصطفى:لا انا مش موافق الا لما اعرف ليه ….انا هكلمها واعرف
مصطفى يكلم ليلى على التليفون
إياد:انتى شكلك مضايقه ..هى ليلى قالت لك حاجه ضايقتك
علياء:ليلى اتشغلت معايا اليومين اللى فاتو دول وده خالها تقصر فى مذاكرتها
إياد:علشان كده انتى مضايقه …اكيد مش انتى السبب انتى بس اللى حساسه شويا
علياء:بس ليلى …
إياد:قولتلك ده وهم فى دماغك بس …انسى الكلام ده خالص ويلا بينا على مكان
علياء:والمذاكره
إياد:انتى هتعملى زى ليلى يلا بينا
مصطفى:ليلى مابتردش عليا…انتو ماشين؟
إياد:ايوه
علياء بتجرب تتصل بليلى
علياء:الو ايو ازيك ياليلى
ليلى:انا تمام ……معلش على اللى حصل فى الجامعه
علياء :ولا يهمك بس مصطفى كان عاوز يكلمك
ليلى:معلش ياعلياء انا مشغوله دلوقتى سلام
علياء:ليلى استنى …قفلت
مصطفى:فى ايه قفلت ليه ؟
علياء:مش عارفه بتقول مشغوله
إياد:طيب يلا بينا احنا بقى
علياء وإياد طلعوا وهما طالعين قابلو بنوته حلو قوى سلمت على إياد وسالتو على مصطفى ودخلت لمصطفى
علياء:حلوه قوى مش كده
إياد:ام
علياء: ايه ….مين دى بقى اللى انت شايفها حلوه
إياد:دى مريم صاحبة مصطفى
علياء:بس دى واخده عليك خالص
إياد:اصلها صاحبته من زمان
علياء:وانت علاقتك ايه بيها بقى
إياد:مقولتلك هى صاحبه مصطفى من زمان…انا عنيا مابتشوفش غيرك اصلا
علياء:انت متقدرش اصلا لكنك لو عملتها هطلع روحك
إياد:ياساتر يارب ……..لا الطيب احسن…………بس شكلك بيبقى حلو قوى وانتى غيرانه
علياء اتكسفت وركبت العربيه
فى اليخت
مريم :هاى مصطفى ازيك
مصطفى :ازيك
مريم :مبتجيش تسهر معانا ليه
مصطفى:اصلى مشغول فى الجامعه شويه
مريم :طيب النهارده فى سهر حلوه عندى تعالى اسهر معانا كل الشله جايين
مصطفى :خلاص ماشى بالليل هاجى
مريم :اوك سلام
مصطفى:سلام
هى مشيت ومصطفى قاعد يفكر ومتردد يطلب ليلى تانى ولا لا
علياء وإياد فى العربيه
علياء:احنا رايحين فين
إياد:ماوحشتكيش نينا زهره
علياء:وحشتنى جداا ….يلا بينا بسرعه على هناك …انا بحبها جدا
إياد:وحفيدها بيموووووت فيكى
علياء مكسوفه
إياد:بحبك …انتى احلى حاجه فى حياتى كلها
علياء:وانا كمان بحبك
هم الاثنين راحو عند زهره وقضو معها وقت حلو جدا وبعدين طلعو وهم فى العربيه
علياء:ممكن اسالك سؤال
إياد:اكيد
علياء:هو انت ليه ولا مره اخدتنى لمامتك ورحنا قضينا يوم معاها
إياد:خلاص نروح بكره
علياء:يعنى انا كان لازم اطلب
إياد:عاوزه توصلى لفين بالسؤال
علياء:انا نفسى افهم انت بتحب مامتك جدا ومع كده انت بعيد عنها ليه
إياد:انا بحبها بس معرفش الحياه هتبقى ازى لو رحت قعدت معاها ..يمكن انا خايف اجرب
علياء:يعنى العلاقه بينكم هتفضل كده…الموضوع محتاج حد يكسر الحاجز ده
إياد:بيتهئ لى ده صعب
علياء:مفيش حاجه صعبه انت جرب بس وانا معاك
إياد:اجرب؟؟
إياد:مش عارف
علياء:لا انت موافق
إياد:خلاص ماشى
علياء:طب يلا بينا على البيت عندنا علشان نذاكر شويا
إياد:اوك
علياء وإياد راحو على البيت قاعدو يذاكرو مع بعض
مصطفى قرار يطلع يسهر مع اصحابه بس طول الطريق فضل يفكر فى ليلى وليه هى زعلانه منه
وقرار يروح لها وهو فى الطريق ……
———————————-
ايه اللي حصل؟؟؟؟؟ بكره نعرف
