الشقة المسكونة قصة رعب عن جريمة قتل حقيقية وظهور شبح القتيل باللهجة المصرية

انه لشيء مرعب جدا ومخيف أن تسكن في شقة جديدة وتكتشف بعدها بأنها شقة مسكونة ، ولقد تمت فيها جريمة قتل بشعة وقام أحدهم بفصل رأس أحد بداخل شقتك، ومازالت قطرات الدماء عالقة على جدران المنزل لا ينفع معها تنظيف ولا أي شيء ، فماذا ستفعل هل ستترك الشقة أم ستبقى فيها ، وللرعب وجوه كثيرة ، اقدم لكم في موقع قصص واقعية قصة رعب مخيفة جدا حصلت بالفعل في مصر لاوتحكي لنا الصديقة ألاء قصتها  بعنوان الشقة المسكونة قصة رعب حقيقية من مصر باللهجة المصرية  وظهور شبح القتيل ، بقلم منى حارس

الشقة المسكونة

انتقلنا للسكن في شقة جديدة وكانت الشقة غريبة جدا ومرعبة وكان فيها حاجة مش  مريحة بالمرة ، لكن قولنا  لا دا شيء  مؤقت لغاية  ما نلاقى  شقة غيرها الاول كان في  كلام غريب على الحيطه ، ورسمه بنت براس مقطوعه  شكلها غريب  اووى بس مهتمناش  بالموضوع للامانة وقلنا عادي ، وفى يوم انا واختى كنا بنلعب طلع من الحيطه  ، خيال البنت إللى منغير رأس ودخل فى حيطه تانى قدامنا  ، قولنا لماما قالتلنا تهيأت في وفي مره رحنا مشوار انا وماما وسبنا اخواتى فى الشقه  لوحدهم  ، النور قطع وسمعوا أصوات مرعبه وكمان تكسير فى المطبخ  ، وكانوا خايفين، بالصدفه جالهم جدو كان لسه عايش قبل ميموت  ، واستنى معاهم لحد ما رجعنا طلب من ماما انها متسبهمش  لوحدهم تاني  .

وجدو قالها ان الشقه دى مش كويسه ومحدش يبقى لوحده فيها ، حتى هى ولازم تنقل لشقة تانية  ضحكت وقالتله انها مش هتخاف تقعد فيها لوحدها  ، وانه ميصدقش كلام اخواتى لانهم أطفال مش فاهمين حاجه قالها ، بالعكس الأطفال هما إللى بيحسه بالحاجات دى اكتر  ،  وأنها متستخفش بالحاجات دى لانها مؤذيه بس ماما مقتنعتش  ، لان مكنش بيحصلها حاجه وكانت اول مره تمر بالحاجات دى ،  لحد ما بدأت الحاجات دى تدايقها هى كمان ، كنا بنرسم انا واخواتى على الحيطه بالطباشير علشان نعرف نمسحه  تانى  وماما متزعقلناش ،  بس الغريب انى ماما مزعقتش زى كل مره على إللى عملناه ومخلتناش نمسحه ،  الا لما حصلها حاجه غريبه هى نفسها مكنتش مقتنعه بيها  .

رسمه من الرسومات اللي احنا رسمناها  طلعتلها من وراها ، وكانت هتلمسها واول ما قالت اسم ربنا ، اختفت وكأنها اتهيالها  ، لكن  ماما صممت اننا نمسح إللى رسمينه ومنرسمش حاجة  تانى ،  لان رسمتنا شبه الحقيقية رغم اننا اطفال صغيرين  بس كنا بنعرف نقلد الرسومات كويس وبيكون شبه الرسمه الاصليه وفعلا بعدها مرسمناش تانى  ونسينا حاجه اسمها رسم.

لان فى ناس قالت لماما ان الحاجات دى بتحب الرسم ، وبتدخل فيه لو كانت رسومات وتماثيل ثابته على الحيطان   ، وده إللى خلانا بطلنا نرسم وبعدها بدأت ماما تصدقنا وتراقب كل حاجة بنعملها  ، وفي شوفت خيال اسود  لقط اسود كبير صرخت بصوت عالي  وجت ماما وشافته  ، وبعدها طار القط  الاسود وجه خبطنى فى حته من جسمى.

فضلت الحته دي توجعني اووى وكنت بحس بتعب ، روحت كشفت عن دكتره كتير   ، والدكاتره  احتاروا في مرضي محدش عارف سبب الالم دا ايه ، ولغاية انهاردة بتعالج منه ، بس من غير فايدة كان ضمن العلاج اللي الدكتره كتبته حقن مضاد  حيوي و كان الوقت متاخر ااوى وملقناش حد يديلي الحقنة بالليل  ،  ماما  قررت تدينى هي  الحقنه ووقتها حصل شئ غريب جدا ومرعب  .

هما حكوا ليا لانى محستش بحاجه  من اللي حصل ،  انا وقفت فى الصاله في حته معينة وزاوية قريبه من اوضتي  ، ومحستش بنفسى لكن هما بيقولوا انى حصلى تشنجات غريبة  وبرقت عينيا  بشكل غريب جدا ، وصوتى تخن  جدا واتغير الكل اتخض وماما اتصلت بخالى  وكانت مرعوبة اووى ومش عارفة تتصرف ، كان لسه خالي متجوزش  ،  وكان عايش معانا كل ما ننقل لبيت جديد كان  يبقى معانا المهم  خالي  جه وكان مستغرب من اللي بيحصل اووى .

اعدوا يفوقوا فيا مفقتش الا لما قروا بعض ايات القران الكريم  ،  ماما بتقول قريت صور من  القرآن لكن نسيت الآيات لانها قالت اللي خطر على بالها ساعتها  ، ولما فقت قالولى خضتينا قولتلهم ايه إللى حصل ، قولتلهم  انى محستش بحاجه من إللى حصل ولا فاكرة شيء  .

خالي قال  إن القطط بتحس وتشوف الحاجات اللي احنا منقدرش نشوفها  وكان عندنا قط غريب ، القط كان  بيمشى في الشقه كلها الا الحته دى من الصاله  ، بيتعفرت وبيحصله حالة غريبة من الهياج  لما يوديه ليها خالي قال ان  الحته دى فيها شئ غريب ومش طبيعي ،   ماما قالتله دي نفس الحته إللى طلع منها الخيال الاسود للقط  ، وخبطني وهي نفس الحته إللى خلتني اتشنج ، ماما مكنتش عاوزة تخلي القط  كانت عايزه تمشية.

لان  القط دا غريب جدا خالي جابه من الشارع في  يوم  ، خرج خالي متاخر يجيب عشاء شاف  القط عند المحل  وقعد يتمسح في رجل خالي و جه وراه البيت  ، لما خالي رجع البيت لقى  القط مستنيه قدام  باب الشقه  ، كانت حاجة غريبة جدا ومقلقة ولما ماما عرفت قالتله حاجة غريبة الاحست انه  يرجعه للشارع  ، لكن خالي رفض ، في الحقيقية كلنا  مرديناش نمشي القط لأننا حبينا القط اووى واتعلقنا فيه   ، فضلت ماما تراقبه  وكنا مستغربين أووى لانه كان بياكل كل حاجة حتى الأكل اللي المفروض القطط مش بتاكله زي  ( العسل والمربى والفاكهه بطيخ وكانتالوب وغيرها من الاكلات الغريبة على قط )

وفي يوم القط وانا نايمه عمل صوت غريب جدا ، وانا عملت زيه بالظبط لما صحيت ماما بصتلي وقالتي ايه الصوت دا اتعلمتيه منين  قولتلها القط هو اللي علمهولي كان بيجيلي في الحلم بيبوسني من رقبتي وقالي اعمل كدة ، وقتها انا مكنتش فاهمه حاجة ولا انه مينفعش اعمل كدة ، ماما حكت لخالي وبردوا استغرب اووى بس مرمناش القط وفضل معانا ، فى يوم روحت انام في اوضتي وسمعت أصوات غريبه فتحت عينى شفت أشكال مخيفه جدا ، ومرعبه ولونهم اسود ومرعب جدا ، كانوا  واقفين بيتكلموا مع بعض كلام غريب مش  مفهوم  خالص بلغة غريبة اووى انا مقدرش افهم حاجة منهم ، وكانوا حولين سريري وقتها كنت عاوزة اصرخ بس معرفتش وحتى معرفتش  اقراء قرآن مقدرتش اقرا حاجة وكانوا مسكين رجلي بقوة ، والاخر قدرت اقرا قران واصرخ وجريت على اوضة ماما بسرعة .

ماما صحيت واتخضت من النوم وسالتنى فى ايه ،  قولتلها قالتلى تلاقى كابوس لان النور قاطع قولتلها لا النور جه لما صحيت يا ماما ، قالتلى ازاى انا منوره  لمبه اوضتي  علشان اعرف النور لما يجى خرجت معايا وكانت خايفة  ، علشان تشوف اللي في اوضتي ، وهنا كانت الصدمة والمفاجاة كبيرة ، لان ماما لما لقتها فعلا منوره ،  بالرغم ان  النور قاطع  في الشقة كلها وعرفت انى فى حاجه في الاوضة  غريبة ومش طبيعية , والصبح دورت  فى الاوضة  على اى شئ غريب لقيت  نقط مرشوشه على الحيطه  ، جنب الحته  إللى فى الصاله  ، وقتها ماما سالت خالي قالها ده شكله  دم والكل خاف وقولنا لازم نمشى من الشقه .

فى نفس اليوم جالنا  اولاد صغيره من الشارع  بتلعب وطلعوا الدور الرابع  من العمارة ، وقالوا كلام غريب وبعدها سالونا احنا  ساكنين في أي  شقه  من العمارة ، قولتالهم على شقتنا ،  قالوا ازاى دي شقة مسكونة اتقتلت فيها واحده عروسه ،  لقوها مذبوحه فى الشقه  ، دخلوا معانا الشقة وشاوروا على نفس المكان إللى فى الصاله وجنب أوضتي .

وقالوا أن دي  نقط من  دمها إللى على الحيطه  لما دبحوها وقطعوا رقبتها ، واللى فى الصاله كان جسمها هنا وشاورا على نفس المكان اللي بيحصل فيه حجات غريبة من اول مسكنا في الشقة الغريبة دي  ، كنت خايفة اووى وسألتهم عن   الدور الرابع في العمارة  وقالو الكلام الغريب جدا .

لو حضرتك عندك قصة رعب غريبة أو موقف غريب حصل معاك ممكن تكتبهلنا في التعليقات ، واذكرلنا اسم بلدك واسمك ، او ارسله على رسائل للرعب وجوه كثيرة بقلم منى حارس ، حتى نتعرف على اكثر ما يخيف الناس في الوطن العربي والعالم كله .

يتبع..