قصة رعب مخيفة حقيقية باللهجة العامية علي لسان اصحابها

من المرعب أن تعيش موقف رعب ، ومن الغريب أن يتحقق ذلك الموقف موقف معك ، لا تدري كيف ولكنه تحقق ، اليوم قصة رعب تحكيها صاحبتها التي عاشتها وتحكي ما حدث معها ، في موقع قصص واقعية بعنوان قصة رعب حقيقية مصرية باللهجة المصرية .

قصة رعب مخيفة حقيقية

اليوم انا هحكلكم عن اغرب موقف حصل معايا ، ولغاية دوقتي بيحصل و ملهوش تفسير  ، من تلت سنين كنت عايزة أشارك في مسابقة  إحسان عبد القدوس الأدبية ،  فرع الرواية كان مطلوب رواية متقلش عن 70 صفحة ورد المهم خلصت الرواية ، وكانت رواية رعب قصيرة ،  وبدئت انظم ملف الورد علشان اطبعها ورقيا لاني مبعرفش اكتب على ورق فبكتب علطول على اللاب ،  المهم كل ما اجي انظم الملف واعدله الاقة اتلخبط وكلمات طلعت فوق ، وحجات اتمسحت بقيت هتجنن اعد اعدل اللي ، باز وافقل الملف ارجع افتحة الاقي نفس المشكلة .

وكأن حد بتعمد يخربه ويدايقني بصراحة انا شكت في اولادي ، قلت يمكن بيلعبوا بالملف من ورايا ، مسكتهم اعدت اسئلهم العيال قالولي انهم مبيعرفوش اصلا يفتحوا اللاب ، واقسموا انهم معملوش حاجة قولت ماشي نفس المشكله ، بتتكرر قولت بس مفيش غير جوزي بيرخم عليا ، عملت باسورد للجهاز ومحدش يعرف كلمة السر غيري ، وفتحت الملف علشان اراجعة استعداد لطبعة لقيت نفس المشكلة  ، الملف متلخبط ومحذوف منه حجات.

بقيت هتجنن قلت يمكن عيب ورد ومسكت الرواية ، والملف اعدت اعدل فيهم لعاشر مرة تقريبا وبعد مخلصت قولت مش هعمل غلطه تاني واخدت الملف على فلاشه  ، بسرعة ورحت لمركز الكمبيوتر علطول  يطبعهالي المحل كان مليان زباين والبرينتر شغال زي الفل ، وكله تمام اعدت استنى دوري المهم الرجل خد الفلاشه حطتها بالجهاز تعالي يا استاذة  راجعي معايا انا اتصدمت ، نفس الاخطاء والملف متشقلب حاله قولتله معلش عدل معايا  بدء الرجل يعدل الملف ويظبط أعدنا  تقريبا نصف ساعة ، ها كله تمام يا استاذة  اطبع ، اطبع كدة تمام  ولسه هيطبع اول ورقة البرينتر باز ووقف مش عاوز يطبع الرجل .

استعجب قام يشوف فيه ايه انا اعدة على الكرسي ، وبعدين نار ولعت على المكتب  اللي قصادي في شوية ورق انا صرخت برعب قولتله الحق الرجل بص بتعجب واعد يطفي الورق وهو ينفخ بأرف وقالي يوه انا كنت ناسي السيجارة والعه على المكتب ازاي مسكت في الورق  ، دي كانت بعيدة  عن الورق انا قولتله معلش طيب هات الفلاشه ، لو سمحت مش هطبع حاجة الرجل صدق مخلص مني ، المهم لغيت فكرة ابعت الرواية وسبت الملف على اللاب والفلاشه ومجتش جنبة تاني ، حتى فكرة اني ابعت الرواية مكنش عندي نيه أبعتها وخصوصا إنها رواية قصيرة بعد سنة من الحادثة دي .

انا عزلت ورحت أعيش في إسكندرية ، وكنت مريت بظروف غريبة اووي وصعبة وبعدت عن كل حاجة فترة تقريبا 4 شهور عن الكتابة والفيس وكل حاجة وفي إسكندرية ، استلمت شغل جديد  ، وهناك تالت يوم ليا  في الشغل لقيت قطة سوده غريبة ولما شوفتها  استغربت منها وفكرتني بالرواية المنحوسة اصل القطة دي هي نفس القطة السودا اللي انا وصفاها في الرواية والبطل المجنون ، كان خلع لها  عينيها الشمال .

اقسم بالله القطة هي هي نفس الوصف اللون العين الشمال المخلوعة  تشوه الوجه اثر الضرب انا بصيتلها واعدت اقراء قرأن  ومكملتش في الشغل كتير  وسبته لان القطة كانت كل يوم بتجيلي منكرش اني كنت خايفة منها  ، بس كنت حاسة انها عايزة تلعب معايا  مبتخوفنيش بالعكس قطة بالرغم من شكلها المخيف ولكن ظريفة ولكن انا مقدرتش استحمل ،  فسبت الشغل والمعمل ورحت مكان تاني وبعدها بفترة طويله ومن كام شهر طلعت في دماغي اكتب الرواية وابعتها لمسابقة فعلا بدئت اطول في إحداثها وادعمها بمواقف غريبة وحقيقية حصلت معايا من اول مكتبت الرواية المنحوسة.

للاسف نفس المشكلة لغاية انهاردة كل معدل الملف واخلصة الاقي الملف اتلعب فيه واتشقلب حاله تاني اكتب بداية الجملة الحوارية الاقيها ، اتمسحت  والرواية اتشقلبت لغاية انهاردة انا معرفش الملف دا فيه ايه بالظبط  ويمكن كل دا يكون مجرد صدف ، وعلى العلم الرواية رعب عادية جدا يعني مش داخلة في غيبيات او بتكلم عن الجن او ناقله  من كتب سحر او الكلام دا لا ابدأ والله لأني انا مبحبش ادخل في الحجات اللي مليش فيها واللي ممكن تأذي الإنسان بس مش عارفة التفسير لكل اللي بيحصل .