قصة لا زلت ف الثلاثين – الفصل الرابع
قصة لا زلت ف الثلاثين – الفصل الرابع
قصة لا زلت ف الثلاثين – الفصل الثالث
رن جرس موبايل هاجر
هاجر : هو انا مش هرتاح منك شويه يعنى فى البيت وجوه البيت
عبير: متقدريش تستغنى عنى اصلا , بس ايه الدلقه اللى كنتى فيها دى على عمر انهارده
هاجر : اسكتى يا عبير , الواد فظيع شيك وامور وعربيه وكمان دمه خفيف ومش مرتبط
عبير : بصراحه هندك حق بس ايه عرفك انه مش مرتبط
هاجر : واحد جاى لاصحابه مع بنتين اكيد كان فاكر اننا معانا بنات تانيه ولو متزفت كان جابها معاه
عبير : يا بنت الايــــــــه وهتعملى ايه بقى دلوقت
هاجر : هدور ع الاكونت بتاعه طبعا عن كريم
عبير : طب وكريم
هاجر : يا ست كريم ده واد مدلوق وانا مبحبش كده
عبير : بس متزعليش يا هاجر , عمر مكنش مهتم اصلا بيكى ولا كان مركز معانا اصلا
هاجر : ههههههههههههههههههههههه انا مفيش حد مش بيعجب بيا وغير كده انا بحب الواد التقيل , يومين وهخرجك معانا مع زميله التانى ده وهتشوفى
عبير : هههههههههههههههههههههههه قادره وتعمليها
هاجر : اسكتى الزفت محمود لقيته سيبلى مسدج
عبير : محمود ده يجنن انا مش عارفه مش بتحبيه ازاى
هاجر : واحبه ع ايه ده قفل ومهتم بمستقبله وعاوز واحده تستحمل دماغه ومستواه مش من مستوانا كمان
عبير : طب يا اختى , هو كاتبلك فيها ايه بقى
هاجر : ابدا كاتب انه بيحبنى وانه مستنى السنه دى تفوت وانجح بمجموع عالى ويجى يتقدملى وانه اشتغل فى شركه كبيره وبقى مرتبه كويس
عبير : يا بختكـــــ
هاجر : خديه يا اختى , اقفلى بس دلوقت كريم معايا ع الWaiting كويس علشان اسأله ع عمر بقى
عبير : هههههههههههههههه سلام
__________________________
رقيه طول الليل بتفكــــــر فى اللى حصل ودموعها مش بتفارق عيونها كأن الدموع شايفه انها لايقه على عيون البنت دى
وقررت انها مش هتبقى عروسه لعبه تانى فى بوتيكـ ومش لازم تتجوز وهتلتفت لشغلها اللى فضلت طو العمر بتحلم بيه
رقيه بنت متفوقه جدا من طفولتها وكانت دايما الاولى فى كل حاجه فى الادب والاخلاق والابتكار والذكاء
من طفولتها بتحلم تبقى زى والدها مهندس الديكور المشهور وفعلا حققت حلما بمجهود واضح وقدرت تتميز عنه وتكبر مكتب ديكور بتاع والدها وتميزه ويبقى ليه اسم معروف وانفراد فى السوق رغم بساطته وقدرت كمان تمسكه بعد وفاه والدها
__________________________
عمر ورامى فى العربيه بعد سهره طول الليل
عمر : بقولكـــــ ايه ؟
رامى : ايه
عمر : انا هستغلك بدل ما انت زى الكرسى اللى انت قاعد عليه ده
رامى : استغلنى يا عم , هههههههههههههههه بس بلاش شقاوه
عمر : ههههههههههههههههههه لا محترم اتعدل يااض انت
رامى :ههههههههههههههههههههههههه
عمر : ابدا امى مسافره والفيلا مش عارفه هتهبب فيها ايه قولت تيجى معايا نعد فى شقه مصر الجديده شهر كده ولا حاجه
رامى : بيس يا معلم موافق
عمر : بس ايه البنتين اللى مع كريم , دول عيال اوى
رامى : ده البت كانت هتتجنن عليكـــــ
عمر : هههههههههههههه تتجنن يا سيدى واوديها السرايا الصفرا
رامى : ههههههههههههههههههههههه بس البت جامده اخر مليون حاجه موزه من الاخر
عمر : بالف هنا وشفا يا سيدى على قلبكــــــ
رامى : ههههههههههههههههههههههه ياريت
__________________________
الليل مر وكل واحد فى عالمه الخاص وفى حياته اللى رسمها لنفسه ومقتنع بيها ومقتنع بنفسه فيها
رقيه صحيت بعد ساعتين نوم بس حاسه ان كللها نشاط ونزلت على الشغل
هاجر قفلت النت والموبايل من ساعه وابتدت تنام بعد يوم تعب وارهاق بالنسبالها
عمر فتح اللاب بتاعه وقاعد على السرير وشاف طلب صداقه من هاجر عبد الرحمن وفهم ان كلام رامى صح
رامى نايم بهدومه من سهره امبارح
__________________________
سعاد : صباح الخير يا حبيبى
محمود : صباح الخير يا ست الكل
سعاد : قوم اغشل وشك وصلى وانا هحضرلك الفطار عقبال ما تجهز للشغل
محمود : متحرمش منك يا ماما ابدا
قام محمود يصلى وغير لبسه فمحمود رغم بساطه حالته الماديه الا انه مهتم جدا بمظهره
وحط البرفيوم بتاعه
شاكر : صباح الخير يا ابنى
محمود : صباح الخير يا بابا
شاكر : الف مبروك يا ابنى ع الشغل الجديد
سعاد : سيبه يا ابو محمود يفطر علشان يلحق شغله
محمود : لالا انا خلاص فطرت انا هنزل بقى مش معقول اتاخر من اول يوم كده , انا ما صدقت
سعاد : ربنا يوفقك يا حبيبى , بس ماتتاخرش على الغدا
محمود : ليه يا ماما فيه حاجه
سعاد :: ابدا يا حبيبى دى خالتك وهبه جايين يتغدوا عندنا
ضحك محمود وقال : حاضر يا ماما حاضر , سلام عليكم بقى
__________________________
دخلت رقيه المكتب بتاعها وقعدت تراجع الورق بتاع الشغل وكلمت دينا علشان تعمل اجتماع
رقيه : لو سمحت يا سعد انا عاوزه جدول للشغل بتاع الشهر ده كله
سعد : حاضر يا انسه رقيه
دينا : طيب والشغل بتاع الفيلا الجديده
رقيه : الفيلا دى هنبتدى فيها من الشهر الجاى
سعد : طيب كويس اوى كده
رقيه : وبخصوص الخامات يا رولا
رولا : متقلقيش يا انسه رقيه كله جاهز
رقيه : تمام يا جماعه انا معتمده ع الله وعليكم الفتره الجايه ورانا شغل كتير
وانتهى الاجتماع بينهم وراح كل واحد فيهم لشغله
__________________________
فى منزل محمود على الغدا
محمود : منورانا يا خالتو
خاله محمود : بنوركــــ يا حبيبى
سعاد : منوره يا هبه يا خبيبتى
هبه : بنورك يا خالتو
محمود : عامله ايه يا هبه فى كليتك
هبه : الحمد لله تمام ماشيه
خاله محمود : هبه حبيبتى مركزه اوى فى مذاكرتها ربنا يحميها
سعاد : طبعا يا اختى طبعا هو فيه زى هبه
هبه فى الفرقه الثانيه لكليه الاعلام جامعه القاهره تتمتع بوجهه مقبول وملامح صغيره متناقصه
سعاد : اقعد مع بنت خالتك وكلمها يا ابنى كويس مش معقول كده
محمود : ده انتى يا ماما فظيعه عليكى حركات ما انتى عارفه انا حاطط عينى على مين
سعاد : يا ابنى ربنا يهديك , خد اللى شارياك ملناش دعوه بالناس دى
محمود : ياااااااه يا ماما مش هنرجع للكلام ده تانى انا هخرج بقى شكلنا بقى وحش اوى كده
سعاد : ربنا يحنن قلبك عليها ويوريلك الصح يا ابنى يارب.
تابع قصة لا زلت ف الثلاثين – الفصل الخامس
تابعونا علي صفحة قصص واقعية علي الفيس بوك لمزيد من القصص
