الحلقة 19 من قصة: لم يكن الأخير
الحلقة 19 من قصة: لم يكن الأخير
ساره ونور سافرو على بنسلفانيا …ساره كملت درستها هناك وفتحت شركه للملابس بتصنع تصميمتها وعدت الايام وجه يوم الولاده ..ساره دخلت المستشفى وولدت ولد
فى مستشفى نور عند ساره فى الاوضه والممرضه جابت ابنهم الصغير…ولد شبه مصطفى قوى…نور شال الولد
نور:اهلا اهلا …حبيب بابا…شوفى يا ماما(ساره تشيل الولد من نور..ونور يقعد جنبها)
ساره:بسم الله ماشاء الله…ايه يا حبيب ماما اخير طلعت ياعفريت…بص يانور
ايده صغنونه ازى…كريم حبيبى افتح عينيك يلا
نور:كريم؟
ساره:معرفش ليه اول ماشفته حسيت انه لايق عليه كريم
نور:خلاص يبقى كريم (يكلم نفسه الحمد لله انها ماقلتش مصطفى)
هنا وسما دخلو الاوضه:الف مبروووووووووك يا ماما
ساره:ايه ده انتو جيتو مين اللى قالكم
نور:انا كلمتهم
ساره:ربنا يخليك ليه
هنا:ورينى ورينى كده (تشيل كريم)
سما:ماشاء الله امور قوى …ايده ده فتح عنيا …بس مش شبهك يعنى (تبص لنور) ولا شبهك برضو
هنا:الكلام الغريب ده امال هيكون شبه مين …وبعدين د لسه ماطلعلوش شبه اصلا
نور:لا هو طالع شبه بابا ساره لو شفتو بابا ساره هتعرفه انه شبهو
ساره:ورينى كده…بجد يانور شبهو
نور:اه ياحبى…طب انا هسيبك مع البنات عندى مشوار وهرجع
سما:طب ممكن تاخدنى معاك فى حاجه لازم اعملها
نور:اوك مافيش مشكله…(يبوس ساره على رسها) باى ياحبيبتى(ويلف يمشى)
ساره:نور انت نسيت كريم
نور:اه معلش نسيت(وبيوسه)
ساره:قوله كده يا بابا تنسانى من اول يوم
نور:انا ماشى
ساره: ماتتاخرش عليه
نور:اوك …سلام
ساره:ايه ياهنا قولى لى اخبارك ايه من زمان ماشفتكيش
هنا:هههههههه مش هتتغير ابدا يعنى اللى يشوفك يقول لسه قايمه من الولاده والمفروض تبقى تعبانه ومش قادره تتكلمى مش بتسالينى عامله ايه
ساره:مين قالك كده انا زى الفل …انت بس اللى شكلك مضايقه علشان كده سالت
هنا:لا ابدا ظروفى ملخبطه شويه
ساره:ظروف ايه
هنا:اصلى سبت المجله اللى انا بشتغل فيها وقاعده دلوقتى مع اهلى ومش عارفه هفضل لامتى من غير شغل
ساره:انت بنت حلال على فكره
هنا:ليه
ساره:انا كنت هطلبك بعد ماطلع من هنا علشان اقولك انى عاوز افتح ملجأ للايتام وكنت عاوزكى تساعدينى انى الاقى حد يديره…بس بما انك فاضيه ايه رايك تديريه بنفسك
هنا:انا متشكره جدا انك بتفكرى فيا …بس مش هينفع مش عاوز اكون حمل عليكى
ساره:انت فاكر انى هعمل الملجأ علشانك ….انا كنت عامله ندر انى لما اخلف كريم هعمل ملجاء علشان اساعد الولاد اللى ماعندهمش حظ وطلعو الدنيا لقو نفسهم من غير اهل يحبوهم ويخافو عليهم..ارجوكى تساعدينى فى الموضوع ده انا هبقى مطمنه لو انتى مسكتيه وبعدين هتبقى قربيه من اهلك تقدرى تزويهم فى اى وقت كلها كام ساعه وتبقى عندهم
هنا:المغريات كثير ….كده ماينفعش ارفض …صح
ساره تهز راسها صح
هنا:خلاص موافقه(وتبتسم)
ساره:خلاص اول مااطلع من هنا نبداء على طول
نور فى البيت مع الكلب لوحدهم
نور مضايق جدا والكلب بيحاول يلعب معاه بس نور مش مدى له اهتمام:روى خلاص بقى انا مش فايق ليك دلوقتى…..بعد ماكنت خلاص نسيت مصطفى وكل حاجه بقت تمام يجى الولد ده ويفكرنى بكل حاجه ….ليه بيحصل معايا كده ليه(ويرمى المخدات اللى جنبه…روى يجيب المخده…نوريضحك)يابختك مش فاهم حاجه ..مش فاهم انى كل يوم مضطر ابص لوشه واشوف مصطفى كل يوم …كل يوم لازم افتكر اللى عملته فيها …انت فاهم يعنى حياتنا مش هترجع زى الاول تانى
بعد مرور اكثر من عام
هنا وساره عملو ملجأ الايتام وهنا كانت ناجحه جدا فى ادراته
ساره بقى ليها اسم فى عالم التصميم
كريم كل يومك يزيد شبهو بمصطفى ونور بيتعامل معاه بجفاء وساره بدات تلاحظ بس لما كانت تسال نور كان بيقولها ضغوط الشغل
فى ملجاء الايتام نور قاعد مستنى ساره وهنا واقفه بعيد بتبص عليه وبتفكر (ياريتك ماكنت جوز صاحبتى) هنا راحت لنور
هنا:هاى
نور:هاى …هنا ازيك
هنا:تمام وانت
نور:انا كويس جدا…ايه اخبار الشغل
هنا:كله تمام …ايه انت معانا يوم الاثنين
نور:اكيد انا مقدرش اتاخر على الملجاء
ساره:ايه ده هنا انتى هنا كنت بدور عليكى فوق…هاى حبيبى ازيك (وتبوس نور)
نور:ايه خلصتى
ساره:اه باقى الحاجات هنا هتعملها…انا سبت لك ورقه بالمطلوب فى المكتب
هنا:اوك
نور:طب يلا بينا
ساره:سلام
هنا:سلام
نور وساره فى الطريق
ساره:ان شاء الله يوم الاثنين هنجمع تبرعات كثير
نور:انا شاء الله
ساره:معلش ماخدتش بالى اتشغلت بالكلام عن الحفله ونسيت اسالك عملت ايه فى الشغل كنت بتقول عندك ميتنج مهم قوى النهارده
نور:حزرى ايه اللى حصل
ساره:اكيد حبيبى ابهرهم
نور:هههه اه فعلا عجبهم العرض بتاعنا جدا
ساره:مبروك ياحبيبى
نور:الله يبارك فيكى
ساره وهنا كانو منظمين عرض ازياء ودخله هيروح لدار الايتام اللى هم عاملينها ونور قرر يساعدهم وبصفته رجل اعمال معروف يطلع على الاستيدج ويعرض تصميم ساره
وجه يوم العرض نور واقف على الاستاج وبيمشى زى الموديلز وساره وقفه تتفرج ومبسوطه …نور بيبص لساره بكل حب
واحده من المدعوين:ماشاء الله انتو ثنائى رائع يابختك بجوزك …مش سهل ان الواحده تلاقى زوج يساعدها فى شغلها …ربنا يخليكم لبعض
ساره:شكرا
ساره بتبص لنور وبتتكلم مع نفسها زى ماتكون بتكلم نور(معها حق انت شخصيه محترمه وبتحبنى وكل اللى اعرفهم بيحسدونى عليك بس ليه انا ديما حاسه ان فى حاجه ناقصه…ليه مش عارفه احس اللى هم بيحسدونى عليه)
اطفال الملجاء دخلو على الستيدج وهم لابسين لبس العرض …نور راح عندهم وشال طفل فيهم وطلع بيهم على اول المسرح …كل الناس بتسقف برافو ….ونور بص لساره وغمز لها وساره ضحكت له
سما كانت موجوده فى العرض وبعد ماخلصو العرض روحت مع هنا على البيت وهم بينامو باليل
سما:هنا عاوزه اسالك سؤال
هنا:يعنى انتى مش هتخلينى انام بقى
سما:هنا انتى بتحبى نور
هنا(مصدومه):نور
سما:انا شفتك وانتى بيتبصى له طول الحفله
هنا:لا مين اللى قالك كده
سما:هنا ماتخبيش عليه
هنا(تعيط):ايو انا بحبه مش عارفه اعمل ايه
سما(تحضنها):طب خلاص معلش ماتعيطيش
هنا:انا تعبت وانا بحاول انساه بس مش عارفه…فأجئه كدة لقيته شاغل بالى وكل تفكيرى
سما:بس انتى عارفه انه ماينفعش
هنا:عارفه …واللى معذبنى ان ساره مستامننانى …انا مش عارفه اعمل ايه….اعمل ايه ياسما
سما:انا مش عارفه …انتي لازم تبعدى شويه وتفكرى وانتى بعيد
هنا:اجرب
سما:انت ممكن تسافرى مع بابا وماما على تركيا وتقضى لك كام يوم هناك تغيرى جو
هنا:بس الملجاء
سما:عادى اطلبى اجازه…انتى من امتى ماخدتيش اجازه
هنا:انا بكره هقول لساره …بس انت هتيجى معايا مش كده
سما:لا انا عندى شغل …هبقى احصلكم لما اخلص شغلى
هنا:ليه بس انا عاوزاكى معايا
سما:مش هقدر ….هحاول متاخرش عليكى
هنا:ماشى
سما:تصبحى على خير
هنا:وانت من اهل الخير
هنا طلبت اجازه من ساره وسافرت مع اهلها وسما سافرت بعدهم بيومين
سما فى الطياره كان فى مشكله فى الطياره وطلبو من الركاب يحطو الحزام تانى
سما بداء تقلق وطلبت المضيفه
سما:لو سمحتى هو فى ايه …ايه اللى بيحصل
المضيفه:مفيش حاجه ..لو سمحتى بس ممكن تربطى الحزام
سما:ربطته
المضيفه:شكرا
سما:استر يارب …استر
محمد(قاعد جنبها):انتى كويسه
سما:ان شاء الله خير …مفيش حاجه هتحصل ….هتعدى ان شاء الله
محمد:فى ايه اهدى بس مفيش حاجه …انتى بس اللى قلقانه زياده حاولى تسيطرى على خوفك
سما:ازاى صعب دماغى فيها مليون فكرة ….انا حاسه من زمان ان اخرتى فى طياره
محمد:انا محمد على فكره(ومد ايده يسلم)
سما تبص له بستغراب
محمد:على فكره افضل طريقه لتخلص من القلق انك تتعرفى على اللى قاعد جنبك ….وياريت يكون اسمه محمد كمان
سما:هههههه
محمد:صدقينى دى حقيقه علميه
سما:ه وانا سما (سلمت عليه)اتشرفت بمعرفتك
محمد:انتى تركيه مش كده
سما:ايوه
محمد:من فين فى تركيا
سما:انا من اسطنبول..وانت
محمد:انا من باندرمة
سما:انا عمرى ماروحت هناك
محمد:فاتك كثير باندرمة جميله جدا…لازم تزوريها مره
سما:ان شاء الله
محمد وسما فضلو يتكلموا والمشكله اللى كانت فى الطياره اتحلت ولما وصلو اسطنبول سما ماكنش فى حد ماستنيها علشان هى كانت عامله لاهلها مفاجئه وراجعه بدرى
محمد عرض على سما انه يوصلها
لما وصلو البيت
سما:انا اول مره ارتاح لحد بسرعه كده
محمد:وانا كمان ارتحتلك قوى…واتمنى اشوفك تانى
سما:ان شاء الله…متشكرا جدا
محمد :العفو …سلام
سما:سلام
سما طلعت البيت ولقيت هنا نايمه …سما دخلت وهى بتغنى انا قلبى دليلي بصوت عالى هنا صحيت على الصوت
هنا:ايه الصوت المزعج ده
سما:يلا قومى ياكسلانه انا جيت
هنا:اهلا مش كنت جايه بعد بكره
سما:هى دى حمد لله على السلامه
هنا:ياستى حمد لله على السلامه سبينى انام بقى
سما:ام عاوز تنامى ..طيب مش هقولك على اللى حصل معايا النهارده
هنا:اكيد موضوع فاكس زييك
سما:انا حاسه قلبى بيدق بسرعه بسرعه ….بيتهئ لى طالما قال عاوز اشوفك تانى يبقى هو كمان حاسس بحاجه
هنا(تقوم من السرير):ايه …مين ده
سما:واحد اتعرفت عليه النهارده
هنا:اخلصى مين هو ده
سما:محمد
هنا:اسمه حلو …عرفتيه ازى وقالك ايه عاوزه تقرير كامل
سما:ابدا كان قاعد جنبى فى الطياره وكان بيحاول يهدينى علشان كنت خايفه
هنا:خايفه ايه اول مره تركبى طياره
سما:لا اصل كان فى مشكله فى الطياره
هنا:وبعدين
سما:فضلنا نتكلم طول الوقت ولما وصلنا هنا عرض عليه يوصلنى لحد البيت
هنا:وبعدين
سما:وصلنى
هنا:بس كده
سما:اه بس كده
هنا(تحدفها بالمخده):قومى من هنا يابت انا قولت من الاول انتى فاكسه…وعماله تقولى لى قلبى دليلى وحوار وانتى يادوب اتعرفتى عليه…قال عارضه ازياء قال…دانتى دوبتى من كلمتين ياشيخه روحى
