الحلقة 20 من قصة: لم يكن الأخير
الحلقة 20 من قصة: لم يكن الأخير
تانى يوم اهل هنا وسما راحو يفطرو بره …جرس الباب رن ..سما فتحت وكان محمد على الباب
محمد:صباح الخير
سما:ايه ده انت ..جيت هنا ازاى
محمد:مش تقولى لى اتفضل الاول
هنا(جايه من بعيد):مين ياسما…انت مين
سما:ده محمد اللى قولتلك عليه
هنا:محمد….محمد مين
سما:اللى كان معايا فى الطياره امبارح
محمد:كمان حكيتى لها عنى
هنا:لا لا هى جابت سيرتك بالصدفه
محمد:انت اكيد هنا ..سما حكت لى عنك….انا محمد اتشرفت بمعرفتك
هنا:وانا كمان بس انت ايه اللى جابك دلوقتى
سما:هنا عيب كده
محمد:انا اسف لو كنت جيت من غير ماتصل بس اصلك نسيتى دى معايا وماكنتش معايا رقمك علشان اكلمك
سما:ايه ده مدليتى …انا متشكره جدا
محمد:العفو
سما:طب اتفضل
هنا:سما …هو بصراحه انت ماينفعش تتفضل علشان بابا وماما مش هنا واحنا لوحدنا
محمد:طب انا هستاذن
سما:ماتخدش على كلامها هى بتهزر
محمد:مفيش مشكله …يلا سلام
سما:سلام(تقفل الباب)هنا ايه اللى انت عملتيه دة
هنا:عادى يابنتى ماتدقيش
سما:انت كنت قليلة الذوق جدا معاه …ليه كده
هنا:مش عاجبنى بصراحه …لسه ثانى يوم يشوفك وبيسبل
سما:عادى يعنى …انت اللى غريبه
سما فضلت تفكر فى الموقف اللى حصل وماكانتش عارفه تعتذر له ازى وبعدين افتكرت انه كان قالها على اسم الشركه فقررت تروح تزوره وتعتذر له
فى اليوم التالى
محمد فى المكتب وسما دخلت عليه
محمد:ايه ده سما
سما:انا مالقيتش حد بره فى السكرتايريه فدخلت على طول
محمد:ولا يهمك …انت عرفتى الشركه ازى
سما:كنت معاديه من هنا ولما شفت يافطه الشركه افتكرتك انك قولتى انها شركتك ..فقولت لنفسى اطلع اشوف الشركه واعتذر لك عن اللى هنا عملته امبارح
محمد:ولا يهمك ..محصلش حاجه اصلا
سما:مكتبك حلو قوى
محمد:متشكر
سما:انا خايفه اكون معطلاك عن حاجه
محمد:لا ابدا ده انا فى استراحه الغداء والموظفين كلهم طلعو يتغدو وانا نسيت نفسى فى الشغل
سما:معلش قطعت عليك تركيزك
محمد:لا دانتى كويس انك جيتى على الاقل الاقى حد يتغدى معايا….ايه رايك نطلع نتغدى فى المطعم اللى جنبنا هنا
سما:بس
محمد:اكيد مش هتكسفينى فى اول طلب اطلبه منك
سما:خلاص مش هكسفك
محمد وسما راحو المطعم
الجارسون:تطلبو ايه
محمد:تخدى ايه
سما(تبص للمنيو وهى مكسوفه):مش عارفه …اى حاجه
محمد:طب تسمحيلى اطلبلك انا على زوقى
سما:اوك
محمد:طب ممكن تجيب لنا اثنين اسكلوب بانيه…واثنين عصير برتقال
الجرسون:تأمر بجاحه تانى
محمد:لا شكرا
سما:انت مقولتليش عملت ايه فى الصفقه اللى انت كنت بتقول انك جاى علشانها
محمد:لسه شويه على اخر الاسبوع هعرف
سما:بالتوفيق
محمد:سما…انا عاوز اعترف لك بحاجه
سما:فى ايه
محمد:انت اصلا لو ما كنتيش جيتى النهارده انا كنت هجى لك البيت
سما:ليه
محمد:انا من اول مره شفتك وانا بفكر فيكى ….انا اول مره يحصل معايا كده …انا مش عارف ايه الكلام اللى انا بقوله ده اصلا بس بصراحه انا عاوز اعرفك اكثر واقرب منك اكثر
سما:بس احنا عارفين بعض من يوم بس
محمد:مش مهم بقى لنا قد ايه فى ناس بتعيش مع بعض عمر بحاله ومابيعرفوش بعض بس انا من ساعة ماشفتك وانا حاسس انى اعرفك من زمان
سما:بس مافيش حاجه بتجى كده
محمد:انا عاوز اجى اخطبك من بابكى
سما:خطوبه بسرعه كده
محمد:انا عارف انك مستغربه بس هو ده اسلوبى انا عاوز البنت اللى احبها يبقى فى حاجه رسميه بينا مابحبش الارتباط والحاجات دى
سما:بس انا لسه معرفكش كويس
محمد:هيبقى معانا وقت كثير بعد الخطوبه نعرف بعض ….ها قولتى ايه
سما:موافقه
سما ومحمد يبتسمو لبعض
محمد راح طلب سما من اهلها …فى الاول استغربو بس محمد عرف يقنعهم انه شخص كويس فوافقو على طول وقررو يعملو الخطوبه فى امريكا اول مايرجعو
سما وهنا اول مارجعو امريكا بداءو يحضرو للخطوبه وسما كلمت ساره تقولها وتعزمها هى ونور
قبل الخطوبه بيوم ساره قاعده بتلعب مع كريم وبتديه الببرونه ونور دخل عليها
نور:مساء الخير
ساره:مساء النور….جبت لى الخاتم بتاعى من عند بتاع الذهب
نور:اوبس…نسيت خالص
ساره:ايه نسيت ازاى….طب اعمل ايه انا دلوقتى
نور:انا اسف ياحبيبتى انا راح عن بالى خالص
ساره:دلوقتى اكيد الراجل قفل وبكره اجازه …هجيب الخاتم ازاى انا دلوقتى
نور:لما يفتح يبقى هاتيه
ساره:طب والخطوبه بكره اروح من غير دبلتى يعنى
نور:عادى مش مشكله
ساره:حاسها فال وحش اننا نكون مع بعض فى مكان وانا مش لابسه الدبله
نور:لا عادى…وبعدين احنا مش هنكون مع بعض اصلا
ساره:يعنى
نور:بصراحه انا طلع لى شغل وهضطر اسافر بكره الصبح
ساره:ايه وجاى تقولى دلوقتى
نور:معلش مكنتش عاوز اضايقك بس مش ممكن ااجل السفر
ساره:لا انا مش هروح من غيرك
نور:ساره…مش هينفع اروح خالص…لازم اسافر ضرورى
ساره:طب وهتقعد هناك قد ايه
نور:3 ايام
ساره(بدلع):كثير
نور:هحاول يكون اقل
ساره(تحضنه):هتوحشنى قوى
نور:وانتى كمان…بكره ان شاء الله تخلى مراد يوصلك وتطلعى بدرى من هناك علشان تيجو هنا بدرى
ساره:ماشى ..انا هسيب كريم هنا مع الداده
نور:انتي حره
ساره:بقولك ايه ماتشيل كريم لحد ماينام وانا هقوم احضر لك العشاء
نور:لا انا اتعشيت بره وهدخل انام دلوقتى …تصبحى على خير
ساره:وانت من اهل الخير…كريم قول لبابا تصبح على خير
يوم الخطوبه
ساره دخلت واول ماشافت هنا سلمت عليها وحضنتها
ساره:وحشتينى جدا
هنا:وانت كمان…امال فين نور
ساره:معلش مش هيقدر يجى عنده شغل
هنا:طب تعالى ادخلى …كريم عامل ايه
ساره:تمام الحمد لله قاعد مع الداده
هنا:ايه ده فين دبلتك
ساره:بعتها لبتاع الذهب تتلمع ونور نسى يجيبها
هنا:ونور مش خايف عليكى تمشى من غيرها وكمان مش لابسه دبله …احنا كده علي اخر اليوم مش هنلاحق من الخطاب
ساره:هههههه الله يجازى شيطانك …امال فين سما عاوزه اشوف محمد اللى بتحكى عنه ده
هنا:استنى بس هروح اسلم على طنط شيماء واجى ندور عليها سوا
ساره وقفه تسلم بعنيها على الناس اللى هى عارفهم وفاجأه ظهرها خبط فى ظهر واحد ساره لفت له وهو لف لها
مصطفى:انا اسف
ساره:لا انا اللى اسفه
مصطفى اول ماشاف ساره فضل مبرق
سما:ساره انتى لسه ماتعرفتيش على محمد خطيبى …محمد …ساره…ساره…… محمد
ساره:انت محمد بقى سمعت عنك كثير …الف مبروك (تسلم عليه)
محمد:الله يبارك فيكى …يارب تكونى سمعتى عنى خير
مصطفى لسه واقف مبرق لساره ومابيتكلمش ولا كلمه
سما:ساره فين هنا
ساره:كانت معايا بس راحت تسلم على قرابيتكم بتقول اسمها طنط شيماء
سما:ايه ده طنط شيماء هنا تعالى تعالى اما اعرفك عليها انت هتحبيها قوى (تاخد محمد من ايده ويمشو)
مصطفى ماشلش عينه من على ساره وساره اتلخبطت وبدأت ترتبك وقررت تمشى وراء سما
مصطفى:ليلى………..
