المغامرة لولو قصة كوميدية ساخرة للصغار والكبار باللهجة المصرية الجزء الأخير

وماذا ستفعل لولو في منزل العم حسام يا ترى ، فمازالت لولو تتعلم مثلها مثل بقية اطفالنا الصغار ومازالنا نحن نتعلم معها نحاول تعليمهم ، لنكنتشف باننا ايضا مازلنا نحتاج ان نتعلم  الكثير في الحياة ، ونستكمل قصة المغامرة لولو في موقع قصص واقعية قصة كوميدية  للكبار والصغار بقلم منى حارس

المغامرة لولو قصة كوميدية ساخرة  للصغار والكبار  باللهجة المصرية  الجزء الأخير

ماما زعلت اوى من لولو انها اخدت البطاطا من غير متستئذن من حد وهما فى بيت مش بيتهم وكدة غلط وعيب

وقالت للولو :عيب يا لولو المفروض نستئذن قبل مناخد حاجه يا حبيبتى مش بتاعتنا  ، كدة غلط ولازم نستئذن من ماما الاول يا لولو انا زعلانه منك جدا  ،اعتزرت لولو لماما ورجعت رجعت كيس البطاطا لطنط مروة  ، واتاسفت لها انها اخدت البطاطا واكلتها كلها وان الكيس مفيهوش غير قشر البطاطا بس للاسف بس هي كانت جعانه

ورجعت لولو الى منزلها بعد زيارة عمو حسام مع اسرتها ، وكانت ماما وبابا زعلانين اوى من لولو لتصرفاتها الغلط عند عمو حسام واحرجهم الكبير  ، وبابا اشترى علبه شكولاته وفاكهه كتير وهما مروحين بس قال للولو انها مش هتاكل منها غير لما تتعلم الاول اداب الزيارة.

لولو: يعنى ايه يا بابا اداب الزيارة دى معناها دي ؟

الاب :يا لولو يا حبيبتى يعنى لما نكون عند حد لازم نحترم البيت اللى احنا فيه ، نعد مكانا ومنعدتش نطنط ونعمل دوشه ، مناخدش حاجه من غير استئذان ، نوطى صوتنا الجميل علشان الناس تحبنا ومحدش يزعل مننا

لولو: طيب يا بابا مانا معرفش احنا روحنا ليه عند عمو حسام وكمان جبناله حجات كتير اوى ليه كدة

الام: احنا رحنا عند عمو لان حبيبه تعبانه ولازم نروح نزور قريبنا كل فترة يا لولو علشان ربنا يحبنا ويدخلنا الجنه ، ونصل رحمنا ومنقطعهوش ابدا يعنى نزور ونتصل بقريبنا دايما ونسأل عليهم باستمرار حتى لو بالتليفون

لولو :نزورهم ماشى لكن ليه بقى نشترلهم حجات حلوة كتير

الاب: يا لولو عمو حسام مبيشتغلش دلوقتى لانه مريض ومعهوش فلوس يشترى الحجات الحلوة دى ، واحنا كدة فرحناه بالزيارة

لولو زعلت اوى من نفسها لما عرفت ان عمو معهوش فلوس وهى اكلت كيس البطاطا كله ، واتعلمت انها متاخدتش حاجه من غير استئذان ابدا ، اتعلمت لولو خلاص انها لازم تزور قريبها كل فترة علشان ربنا يحبها وتدخل الجنه وتاكل فيها كل الحجات اللى بتحبها شكولاته وبسكوت وفواكه كتير اوى ، وبابا قالها انها لو فى يوم مقدرتش تروح زيارة لقريبها ممكن تتصل بيهم بالتليفون تطمن عليهم.

واجتمعت لولو باصحابها واعدت تفهمهم انهم لازم يزوروا قريبهم كل فترة ويصلوهم وكمان لما يروحوا لحد يحترموا البيت اللى هما فيه وميطلبوش طلبات كتير ويزعجوا اصحاب البيت ، وياكلو او يشربوا اللى اصحاب البيت يحطوهولهم علطول من غير كلام ميعدوش يتتريقوا على الاكل او الشرب  ، لانه غلط وعيب كمان  ، وان لو حد من قرايبهم او جيرانهم اصحابهم مريض او محتاج مساعدة لازم نروح و نساعدة ونجبله هديه وحجات حلوة كتير وفواكه وشكولاته

وعيب اننا نخليه يفتح علبه الشكولاته وناكل منها ، الا لو هو لوحدة فتحها وادنا واحدة ممكن فى الحاله دى ناخدها

اتعلمنا مع لولو حجات حلوة كتير كتير ومفيدة

واهمها :

احترام الطريق

آدآب الزيارة

وزيارة المريض

وزيارة الأهل والأقارب وصله الأرحام والسؤال عنهم وودهم