الحلقة 17 من قصة: لم يكن الأخير
الحلقة 17 من قصة: لم يكن الأخير
إياد:ايه كل الغيبه دى
مصطفى:معلش الشغل واخد كل وقتى
إياد:ايو اتحجج بقى
مصطفى:مصطفى الصغنون عامل ايه
إياد:اه انت لازم تسال على مصطفى اول حد
مصطفى:ايو طبعا ده حبيب عمو
إياد:مصطفى باشا زى الفل ثوانى اجيبه تشوفه فى الكاميرا….شوف …بس ياولد بطل عياط… شكله هيطلع زنان زييك
مصطفى:كده بتبوظ شكلى قدام الواد
إياد:انت عامل ايه مش ناوي تجى تزورنا ولا ايه
مصطفى:ان شاء الله قريب
إياد:علياء بتسلم عليك وحلفتنى ابعتلك الصوره دى
مصطفى فتح الصوره وقعد يضحك:ايه ده
إياد:انت كمان هتضحك عليا عادى علياء قالت لى خد بالك منه ونيمه …بس معرفش ايه اللى خلانى انا اللى انعس..قامت هى واخده الصوره وليل نهار تذلني بيها
مصطفى :هههههه لا هى فهمت الموضوع غلط اكيد انت افتكرتها بتقول لمصطفى الصغير نيمه ههههههههههه
إياد:كفايه ضحك بقى
مصطفى:خلاص تمام مش هضحك تانى
إياد:سلام
مصطفى:سلام
بعد الغداء مصطفى وندى وصفاء قاعدين سوا
مصطفى:حسين اخباره ايه ياندى
ندى(عامله نفسها زعلانه):انت عارف انى بقى لى 6 شهور ماشفتوش
مصطفى:ياسلام مهو انت ليل نهار على النت معاه هو انتى عاتقه
ندى:الله اكبر …النهارده الخميس …انت هتحسدنا ولا ايه
مصطفى:ايه ده انتى تعرفى الكلام ده من فين بنتك دى متعلمه فين امال ايه امريكا ونيويورك
ندى:مالكش دعوه …ماما خلى مصطفى يبطل يضايقنى
صفاء:ههههه هو قال ايه بس
ندى:حتى انتى ياماما طب انا هروح اكلم حسين احسن
مصطفى:شوفتى ماجبتش انا حاجه من عندى
ندى تتطلع لسنها لمصطفى وتدخل الاوضه
مصطفى:بصى بصى بتغيظنى ازاى
صفاء:انتو الاتنين طولى ماشاء الله بس ربنا برضو محرمنيش انى اشوف هبل الاطفال اللى انتو بتعملوه والله انت فل سيستم ههههههههه ربنا يخليكم ليه (تاخد مصطفى بالحضن وتبوسه على راسه)
موبيل مصطفى رن
مصطفى:بابا حبيبى وحشتنى جدا
احمد:ياشيخ لو بابا وحشك كنت اتصلت بيه
مصطفى:معلش والله مشغول فى الشركه
أحمد:انا عارف سمعه الشركه واصله هنا …ربنا يكرمك …ايه مش ناوى تجى تزورنى
مصطفى:هحاول قريب ان شاء الله
احمد:طول السنتين اللى فاتو مجتش غير مرتين بس وكل ماسالك تقول قريب
مصطفى:طب ماتيجى تزورنا انت
احمد:هحاول…سلام
مصطفى:سلام
فى اليوم التالى مصطفى وصفاء رجعو من الشغل واتغدو لوحدهم علشان ندى كان عندها جامعه
وبعد الغداء قاعدو فى البلكونه وقاعدو يبصو على البحر
مصطفى بيبص للبحر ومش بيتكلم
صفاء:انا كمان وحشتنى قوى برضو
مصطفى:باين عليا قوى كده انى مشتاق لها
صفاء:لما بشوفك بتبص للبحر كده وعنيك كلها شوق بعرف انك بتفكر فيها
مصطفى:البحر بيفكرنى بكل حاجه حلوه فى حياتى احلى ايامى كانت فيه….انا لما بشوف البحر بنسى نفسى وبغرق فى ذكريات الماضى
صفاء:نفسى اشوف الحب يدخل حياتك تانى
مصطفى:ماما هنرجع للموضوع ده تانى ….الله انا خايف اجى فى يوم الاقيكى جايبه لى صور بنات وبتقولى لى نقى من دول
صفاء:خلاص انا مش هتكلم معاك فى الموضوع ده تانى
مصطفى:ماتشليش همى ياماما انا كده مبسوط (يبوس ايدها)ربنا يخليكى ليا
صفاء:هقوم اعمل شاي
يرن المويبل ومصطفى اول ما يشوف الرقم يستغرب: ده رقم من تركيا
مصطفى:الو
ندى:الو…ايه معرفتنيش انا ندى
مصطفى:ندى انتى بتتكلمى من رقم فى تركيا
ندى:اه مهو انا طلبتك علشان اقولك انى في تركيا جيت اشوف حسين وهقعد عند علياء و إياد
مصطفى:انتي مجنونة سافرتى امتى ومقولتليش ليه
ندى:مانا بقولك اهو وبعدين الفكره طقت فى دماغى فجائه فامكنش عندى وقت اقولك انا لسه واصله هنا دلوقتى
مصطفى:حسين جنبك
ندى:ايو اهو
حسين:الو
مصطفى :ازيك ياحسين
حسين :ماتخافش على ندى
مصطفى:انا مش خايف بس مستغرب اللى هى عملته ده
حسين:انا اتفاجئت بيها …على فكره انا قولتها ان كده ماينفعش …بس اختك بقى انت عارفها دماغها طاقه
مصطفى:خلاص حصل خير بس قولها انى هطلبها الساعه 10 فى بيت إياد لازم تكون هناك
حسين :هتروح البيت قبل كده ان شاء الله
مصطفى:سلام
حسين:سلام
مصطفى دخل لصفاء المطبخ:ههههه بنتك دى مجنونة رسمى
صفاء:ليه فى ايه
مصطفى:طقت فى دماغها تروح تركيا قامت قاطعه تذكره وهى دلوقتى هناك
صفاء:ايه يعنى هى دلوقتى في تركيا
مصطفى:ماتخافيش إياد معاها
صفاء:البنت دى هتجنينى ازاى تعمل كده….اطلبها قولها تجى دلوقتى
مصطفى:لا خليها هناك شويه ولما ترجع يبقى اعملي معاها اللى انتى عاوزاه
صفاء:لما تجى هقطع عنها المصروف…بس اما تجى بس
مصطفى ومحمد عندهم شغل مهم ولازم حد يسافر تركيا …محمد سافر وخلص الشغل وبعدين اتصل مصطفى يقوله الاخبار
مصطفى:خير طمنى ايه اللى حصل
محمد:مع الاسف ماتوفقنش فى الصفقه
مصطفى:لا متقول ازاى حصل ده
محمد:انا عملت كل اللى قدرت عليه بس مع الاسف
مصطفى:ماتزعلش نفسك هى مش ناصيبنا …الحمد لله
محمد:ايو الحمد لله اننا اخدنا المناقصه
مصطفى:ايه
محمد:هههههههههه انت صدقت اننا ماخدنهاش
مصطفى:انت كلب كده تعمل فيا مقلب وقعت قلبى
محمد:هههههههههههه لا ماتخفش اخدناها
مصطفى:وانا اللى قاعد اواسى فيك واقولك معلش …ماشى بس لما تجى…انت جاى امتى
محمد:مش عارف بالضبط …بس اهم حاجه عاوزك تجهز نفسك اننا رايحين حفله يوم الخميس اللى جاى
مصطفى:حفلة ايه
محمد:لا ماتسالش على التفصيل انت بس جهز نفسك
مصطفى:تمام ..سلام
محمد:سلام
جه يوم الخميس ومحمد عدى على مصطفى اخده من البيت
مصطفى:ايه الشياكه دى كلها
محمد:ده الطبيعى بتاعى
مصطفى:ايه بقى حفلة ايه دى
محمد:حفله حلوه هنقابل فيها بنات وكده
مصطفى:محمد انت عارف انى معدتش بحب الحفلات دى(انا مش جاى معاك)
محمد:طب خلاص خلاص اصل جه وقت انى اقولك الحقيقه
مصطفى:فى ايه
محمد:الحفله دى حفله خطوبتى
مصطفى(مستغرب):خطوبتك ازى وامتى
محمد:التفصيل دى هتعرفها فى السكه يلا علشان مانتاخرش
مصطفى:يلا
محمد حكى لمصطفى ازى قابل سما وراحو على الحفله فى فيلا اهل سما
فى الحفله مصطفى ومحمد واقفين مع بعض مستنين العروسه تنزل
محمد:مصطفى بقولك ايه سما عندها اخت اسمها هنا زى القمر ماتشوفها كده وانا وانت نتجوز اخوات
مصطفى:انا مش عارف دماغك دى فيها ايه بالضبط بنت لسه عارفها من اسبوع وبتخطبها دلوقتى
محمد:علشان كده مكنتش عاوز اقولك غير فى اخر لحظه
مصطفى:انت حر
محمد:طب ايه قولت ايه
مصطفى:فى ايه
محمد:عاوز افرح بيك بقى
مصطفى:هى ماما كلمتك فى حاجه
محمد(برتباك):مامتك لا لالالا ابدا
مصطفى:متاكد
محمد:اه …قصدى لا ماقلتليش حاجه
مصطفى:طب انا عاوزكم تعرفو بس انى مبسوط كده
سما نزلت ومحمد عرفها على مصطفى
محمد:سما …مصطفى …مصطفى …سما
سما:اتشرفت بمعرفتك(ومدت ايدها تسلم)
مصطفى:وانا كمان
محمد:سما امال فين هنا
سما(تدور بعنيها على هنا):كانت هنا
فى اللحظه دى بنت جميلة تخبط فى مصطفى من ظهره فـ يلف لها ووهى كمان تلف له
مصطفى:انا اسف
البنت :لا انا اللى اسفه
مصطفى اول ماشاف البنت فضل مبرق
سما:ساره………………..
تفتكروا اللي بفكر فيه ممكن يحصل ؟؟؟؟؟؟
