الحلقة 21 من قصة: لم يكن الأخير

الحلقة 21 من قصة: لم يكن الأخير

سما:ايه ده طنط شيماء هنا تعالى تعالى اما اعرفك عليها انت هتحبها قوى (تاخد محمد من
ايده ويمشو)
مصطفى ماشلش عينه من على ساره وساره اتلخطبت وبدأت ترتبك وقررت تمشى وراء سما
مصطفى:ليلى
مصطفى كان واقف فى ظهر ساره ومستني ردها وكله امل وشوق
ساره اول ماسمعته بيقول ليلى وقفت ولسه هتلف لمصطفى وبعدين قالت لنفسها ايه الهبل اللى انتى بتعمليه ده هو بينادى على ليلى انت ساره …انت هبله اى حد ينادى تردى على طول وبعدين مشيت ومردتش على مصطفى ولا حتى لفت له
مصطفى:استنى انتى رايحه فين (راح وراها…بس فاجئه وقفه واحد)
عمرو:ايه ده مصطفى (مد ايده يسلم على مصطفى وخده بالحضن) ياه من زمان ماشوفتك ….فينك كل الوقت ده
مصطفى:معلش ممكن ثانيه وهرجع لك تانى
عمرو:تعالى تعالى انت عارفه مين هنا مش هتصدق احمد طارق ومحمد نمنم فاكرهم كل الناس هنا
مصطفى:اه فاكرهم بس
عمرو(شده من ايده):كلهم هيتبصتو لما يشوفوك
مصطفى مشى مع عمر وهو بيبص على ساره وقال لنفسه انا مش هعرف اكلمها دلوقتى هى مع البنات هحاول اكلمها وهى لوحدها
عمرو:بصو مين هنا
إيهاب:مصطفى انت كمان هنا(يسلم عليه)
مصطفى:ازيك يا نمنم
محمد:ياه الاسم ده محدش بينادينى بيه من الثانوى انت قديم قوى
حسام:ايه ياعم نمنم هتعملنا فيها كبرت ولا ايه
ايهاب:شكلك نسيت كنا بناديك ايه يا كرومبوووو
عمرو:هههههههههه كانت ايام
حسام:ازيك يامصطفى فاكرنى(ويسلم)
مصطفى:اكيد فاكرك انت حسام غالى (يسلم على الولد اللى بعده)وانت احمد طارق
احمد:والله زمان …انا مكنتش اعرف انك هنا فى امريكا يامصطفى
مصطفى:انا بقى لى هنا سنتين
حسام:ياه من زمان …بتعمل ايه كل الوقت ده
مصطفى:انا و محمد عندنا شركه هنا
حسام: يعنى انت شغال مع محمد دلوقتى الندل ماقليش
عمرو:لو قالك كنت هتعمل ايه يعنى
ايهاب :اكيد كان هيطلب منه يشغلو عنده …انا عارفك طول عمرك بتاع مصلحتك
حسام:ده اللى هو انا برضوه
عمرو:احنا على طول بنتجمع كل جمعه نفتكر ايام زمان انت و محمد لازم تيجو معانا مره
مصطفى:ان شاء الله …بس انتو ايه اللى جمعكم هنا بربطه المعلم كده
احمد:محمد كلمنى عزمنى على الخطوبه وانا بلغت الباقى هو كمان مكنش يعرف ان عمرو وحسام ونمنم هنا
ايهاب:ماقولنا بلاش نمنم دى….لو سمحتو محدش يقولى كده تانى(بنرفزه)
عمرو(يطبطب عليه):خلاص ياجماعه ماحدش يقول لنمنم يانمنم ههههههه
احمد وحسام ومصطفى :هههههههه
حسام:فاكرين لما مصطفى هرب من المدرسه علشان يقابل البنت اللى كان اسمها رانيا و محمد اتغاظ منه انه عرف يوقع الموزه و فتن عليه
عمرو:اه طب فاكرين العلقه اللى ادها له مصطفى بعد كده ههههههههه من يوم وهو حرم
احمد:وشوف دلوقتى بقول اصحاب ازى وشركاء فى شركه واحده
مصطفى سرحان فى ساره وبيبص لها وهى كمان كل شويه بتبص عليه ولما عنيها تجى فى عنيه تهرب بعنيها بعيد
حسام:بس مصطفى طول عمره مفيش بنت بتفلت منه
ايهاب:لا ماخلص انا سمعت انه اتجوز وراحت عليه خلاص
عمرو:ايه ده صحيح ومعزمتش حد فينا ياندل من امتى
مصطفى سرحان
عمرو:مصطفى
مصطفى :هم …كنت بتقول ايه
إيهاب :سيبو ياعم شكله سرحان مع واحده …اللى فيه عاده
مصطفى:كنت بدور على محمد
عمرو:محمد برضو…ماعلينا …انت صحيح اتجوزت
مصطفى:انا اه
حسام:مش قولتكم دى مش اشاعه
عمرو:بصراحه مكانتش مصدق ….امال هى فين ولا مش هتعرفنا عليها
مصطفى:ليلى لا هى مش معايا هنا
عمرو:طب ماجتش ليه
مصطفى:ايه وانت يا أحمد بتعمل ايه هنا فى امريكا
احمد:انا بقى لى هنا شهرين بدرس وبشتغل
محمد:ايه كلكم متجمعين هنا من غيرى دى خيانه
احمد:اهلا ياعريس …الف مبرووووك
حسام و عمرو و إيهاب :الف مبرووك يامحمد
إيهاب:احلى حاجه عملتها يامحمد انك جمعتنا فى اللمه الحلوه دى النهارده
عمرو:فاكر يامحمد لما انت قولت لمديره المدرسه على ان مصطفى هرب علشان يقابل بنت
محمد:مابلاش تفكر مصطفى احسن يتهور مش كفايه عليه المره اللى فاتت
مصطفى(يحط ايده على كتف محمد):لا ماتخافش مش هعملها النهارده اكيد
محمد:ايه النهارده بس
مصطفى:مضمنش بكره الصراحه …ههههههههه
الشباب كلهم:هههههه
الشباب فضلو يحكو عن ذكريات الماضى
مصطفى (كل شويه يبص ناحيه ساره ومحمد اخد باله)
محمد(يهمس لمصطفى):شايف انها عجبتك
مصطفى:مين دى
محمد:اخت سما
مصطفى:هى اللى لابسه احمر دى تبقى اخت سما
محمد:لا انا قصدى على هنا اللى لبسه ازرق ..اللى لبسه احمر دى ساره صاحبتهم
مصطفى:اسمها ساره
محمد:بس انا معرفش عنها غير اسمها بس
مصطفى:محمد انت مش شايف انها شبه ليلى قوى
محمد:ليلى؟لا ياشيخ هو انا صحيح مشوفتش ليلى غير فى الصور بس فى فرق بينهم يعنى هى ممكن تكون شبهها شويه
مصطفى:انا حاسس زى ماتكون ليلى قدامى
محمد:مش للدرجه دى
عمرو:ايه بتتكلمو فى ايه
محمد:ولا حاجه انا هروح اشوف سما …..عن اذنكم

سما وهنا وساره واقفين مع بعض وساره لاحظت ان مصطفى بيبصلها ولا اراديا لقت نفسها بتبص له هى كمان بس اول ماكان بيبصلها كانت بتتكسف وتبص الناحيه التانيه
ساره:هنا هو مين اللى هناك ده
هنا:مين ده
ساره :اللى واقف مع محمد ويبتكلمو
هنا:انا معرفش …استنى كده..سما هو مين اللى واقف مع محمد
سما:فين …اه ده مصطفى تعالى اما اعرفك عليه …واضح انه دمه خفيف وهتحبيه
هنا:استنى هنا ياسما هنروح نكلمه فى وسط الناس دى كلها انا بس كنت عاوزه اعرفه مين
سما:ليه عاجبك …ولا ايه قولى ماتخبيش على اختك
Jack: How are you girls……Congratulations Sama
Sama: thanks uncle jack
Jack: how are you hana
Hana: fine ….miss you so much uncle jack
Jack: who is these beautiful lady
Hana: ooh this my friend Sara…. Sara….. this uncle jack our best neighbor
Sara: hi uncle jack
Jack: hi beautiful lady…. (kissing her hand) oh this my favorite song .. shall we dance
Sara: sure why not
ساره وجاك بداءو يرقصو ومصطفى بيراقبها من بعيد وبعدين جت لمصطفى فكره
مصطفى:عن اذنكم ياشباب
عمرو:ايه هتروح ولا ايه
مصطفى:لا عندى حاجه هعملها كده ..هشوفكم تانى متقلقوش ..سلام
مصطفى:راح عند ساره وجاك
مصطفى: Can I dance with her
جاك:sure
مصطفى:ممكن ارقص معاكى
ساره اتخضت بس فى حاجه منعتها تقول لمصطفى لا…فامردتش خالص وبداءت ترقص مع مصطفى
فى الاول ساره كانت خايفه تبص لمصطفى وكانت بتبص على كل حاجه فى المكان لا على مصطفى
وبس مقدرتش تمنع نفسها انها تبصله ولما عنيها جت فى عينه حست كانها تعرفه من زمان وساره بتكلم نفسها زى ماتكون بتكلم مصطفى (انت مين حاسه انك عارفنى …وليه بتبصلى كده…حاسه عيونك عارفنى ) ساره كانت حاسه احساس غريب اول مره تحس بيه …زى مايكون مفيش حد موجود فى المكان كله غيرهم هم الاثنين
مصطفى:انا مصطفى
ساره تبتسم بخجل
مصطفى:طب فهمت ايه انا كده ..ده اسمك يعنى
ساره مرتبكه:ساره ….اسمى ساره
مصطفى(بيبصلها وبيفتكر ليلى ):انت صاحبه سما مش كده
ساره:اه
مصطفى:انت من فين فى تركيا
ساره(افتكرت ساعتها نور وهو بيقولها انها منهم باندرمة….بتكلم نفسها نور..انا ايه اللى بعمله ده ماينفعش كده):عن اذنك انا لازم امشى دلوقتى
مصطفى:استنى هتروحى فين
ساره:انا اسفه عن اذنك (ساره طلعت وتاهت من مصطفى فى وسط زحمت الناس اللى فى الخطوبه)
هنا طلعت ورى ساره:ساره انتى ماشيه
ساره:اه معلش علشان الطريق متأخرش
هنا:طب استنى انا كمان جايه معاكى…بدل ما أسافر بكره لوحدى
ساره:اوك هستناكى فى العربيه
مصطفى :طلع وراء ساره بس هى كانت قاعده فى العربيه وماخدش باله منها (فرجع تانى للحفله)
فى العربيه هنا وساره ومراد بيسوق بس كلهم ساكتين
هنا:ايه الهدواء ده …ايه يامراد فين اغانيك الحلوه
مراد:الست ساره مش بتحبهم فبطلت اشغلهم
هنا:ايه ياساره مابتحبيش الاغانى ولا ايه
ساره:ها
هنا:لا دانتى مش هنا خالص….امال لو نور اول مره يسافر كنت عملتى ايه
ساره:معلش كنت بفكر فى حاجه كده
هنا:مراد بيقولى انك مابتحبش تسمعى اغانى …صحيح الكلام ده وينفع اقوله يشغلنا حاجه
ساره:لا انا مش مابحبش الاغانى بس اصله بيشغل اغانى كلامها اوفر يعنى مفيش حب فى الدنيا بالشكل اللى بيغنوه ده…وهو بقى بيسمع ويعيش فى ميه البطيخ انا مبحبش كده بس
هنا:ايه كل ده..كل ده علشان عاوزه اسمع حاجه
ساره:لا عادى شغال يامراد اى حاجه انا بس بحب اوضح له وجه نظرى
مراد:الست ساره معاها حق مفيش حب كده اليومين دول
هنا:حتى انت يامراد اثرت عليك ياساتر دانتى معديه…شغلنا اى حاجه بس تكون رومانسيه …انا انسانه عاوزه احافظ على رومانسيتى
مراد:اوك (وشغل سى دى لانغام…. هتمناله الخير. ايه يعنى يفوتنى وينسانى ماهو ياما اتحمل علشانى ماهو ياما كان قلبه عليا….
ساره:يعنى بذمتك فى حب كده فى وحده تتمنى لواحد سابها ونسها الخير ….مفيش حد بيحب كده
هنا:بقولك ايه اكيد فيه انا احب اكون متفائله
ساره:ده مش تفاؤل ده هبل
هنا:متشكره ياستى…احنا ننقل على موضوع تانى احسن….ايه رايك فى اونكل جاك
ساره:دمه خفيف قوى …بصراحه ده اول واحد في امريكا اقابله دمه خفيف
هنا:هو فعلا زى العسل ….انتى عارفه ان اونكل جاك مراته ماتت من 3 سنين وكل يوم يروح عند قبرها وياخدها ورد ابيض
ساره:بجد؟
هنا:علشان تعرفى ان لسه فى رومانسيه
ساره:دى حاله نادره وبعدين ده من ثلث اربع اجيال فاتو
هنا:برضوه مصره على رايك
ساره:طبعا
هنا:طب ومصطفى
ساره(اتخضت):مصطفى ماله مصطفى
هنا:يعنى انا شفتك رقصتى معاه شويه ايه انطباعك عنه
ساره:يعنى ملحقناش نتكلم
هنا:الله انا بموت فى السونج دى اسكتى بقى علشان اسمع بمزاج(بعتلى نظره بعتله بعتلى همسه سمعتله ومن غرام الشوق)
ساره:ايه الهبل ده انتى بتصدقى الحاجات دى بجد …نظره وابتسامه والكلام ده
هنا:اسمعى الكلام وفكرى فيها بس وانتى هتفهمى
ساره بداء تسمع وجه على بالها على طول مصطفى وفضلت تسمع الاغنيه وتفكر فيه
هنا وساره وصلو البيت ونامو …ساره ماعرفتش تنام طول الليل بتفكر

محمد ومصطفى بعد الحفله فى العربيه ومصطفى حب يروح عند البحر شويه
محمد:مالك ياصحابى
مصطفى:مش عارف …البنت اللى اسمها ساره دى خلتنى اعرف قد ايه انا مفتقد ليلى
محمد:انت اصلا عمرك مانسيتها
مصطفى:بس مش عارف فى حاجات كثير فى البنت دى بتفكرنى بليلى صوتها لمست ايدها …الدف اللى في عنيها
محمد:انت واخد بالك انت بتقول ايه…انا خايف شويه كده تقولى انها ليلى
مصطفى:ممكن ليه لا
محمد(بنرفزه):لا دانت اتهبلت رسمى بقى….انا عارف انك مش متقبل فكره ان ليلى ماتت بس احنا اتكلمنا فى الموضوع ده الف مره وانت كنت اقتنعت خلاص
مصطفى(اتضايق):انا عارف انا ليلى ماتت مش لازم تفكرنى كل شويه كده….انا كنت بهزر معاك بس
محمد:انا اسف …انا بس عاوزك تبطل تفكر فى المستحيل
مصطفى:مقولنا خلاص
محمد:تمام ..وطالما ساره دى لفتت نظرك انا هسالك سما عليها
مصطفى:ايه تسأل سما …انت هتفضحنى ولا ايه
محمد:ماتخافش مش هخليها تاخد بالها
مصطفى:انا مقلق منك على فكره
محمد:ماتقلقش كله هيبقى تمام
مصطفى:طب يلا بينا على البيت
محمد:يلا
محمد وصل مصطفى على البيت وبعدين روح
مصطفى لما دخل لقى ورقه من مامته بتقوله فيها انها سافرت تركيا عند ندى
مصطفى اتصل بندى
مصطفى:الو ايو ياندى ..ماما عندك
ندى:ماتخافش هى وصلت هنا خلاص ..خد كلمها
صفاء:ايو يامصطفى …معلش معرفتش اقولك قبل ماسافر علشان طقت فى دماغى فاجأه
مصطفى:برضو طقت فى دماغك وانا اللى كنت بعتب على ندى
صفاء:المهم انت كويس
مصطفى:ماتقلقيش انا كويس…انا سامع صوت إياد جنبك
صفاء:اه مهو اصر انى انا وندى مانقعدش فى الفندق ونقعد عنده هنا…خد هو كمان عاوز يكلمك
مصطفى:اصيل يا واد …اخبارك واخبار علياء
إياد:احنا تمام
مصطفى:واخبار حبيب عمو صاصا الصغير ايه
إياد:تعالى خده …ده مابيبطلش عياط طول الوقت
مصطفى:حبيب عمو انا موصيه يطلع عينك
إياد:لا ماتخفش هو بيعمل بالوصيه تمام
مصطفى:ههههههههه
إياد:والله القاعده نقصاك…ماجتش مع طنط ليه
مصطفى:ماهى طنط طالعه لبنتها لما تطق فى دماغها جاحه حتى ماتستننيش
إياد:طب ماتيجى بكره
مصطفى:مش هينفع اليومين دول عندى شغل كثير
إياد:ياخساره انا نفسى اشوفك قوى
مصطفى:انا كمان كان نفسى تكون معايا هنا دلوقتى
إياد:مالك يامصطفى صوتك مش مظبوط
مصطفى:لا مافيش حاجه انا بس وحشتنى ايام زمان
إياد:انت متاكد انه كده بس
مصطفى:صدقنى مفيش حاجه
إياد:بقولك ايه افتح نت ونرغى شويه سوا
مصطفى:لا انا هدخل انام دلوقتى ..سلام
إياد:براحتك ..سلام
مصطفى قفل الموبيل وقعد شويه وبعدين حس نفسه مش قادر يقعد فى البيت لوحده ودماغه هتنفجر من كثر التفكير فى ليلى …فقام وطلع من البيت بالعربيه وراح عند البحر
مصطفى قرر يقضى الليله فى اليخت اللى هو كان بعت جابه من تركيا من اكثر من سنه ومقلش لحد عليه علشان لما يحب يكون مع نفسه شويه يقعد فيه وفى الليله دى بعد ماشاف ساره كان لازم يروح يقعد فى المكان اللى كل حاجه فيه بيفكرو بليلى