قصة لا زلت ف الثلاثين – الفصل الخامس والعشرون
في الحلقة السابقة: قصة لا زلت ف الثلاثين – الفصل الرابع والعشرون
قصة لا زلت ف الثلاثين – الفصل الخامس والعشرون
استعد محمود علشان يطلع بالعربيه فى محاوله انه يتجاهل هاجر مش علشان مش عاوز يجاوب فقلبه خلاص خد قراره يوم ما خطب هبه وغير ده كله هو اصلا قلبه مبقاش ملكه بقى ملك هبه ,,ومع كل ده تجاهلها لانه عاوز يتجاهلها هى مش السؤال
هاجر:انا بسألك بتحبها ؟
محمود:طبعا
هاجر:طبعا!!
محمود:المهم انتى فيكى ايه وكنتى بتعيطى ليه ؟
هاجر:مش لما نعد فى مكان الاول
محمود:الوقت متاخر يا هاجر مش هينفع علشان محدش يزعلك وغير كده انا ورايا شغل بكره ,ممكن نتكلم وانا بوصلك ,لسا قدامنا وقت
هاجر:يعنى مش عاوز تعد معايا يعنى
محمود:مش موضوع كده انتى زى اختى الصغيره وانا بعزك فعلا ,الموضوع بس زى ما قولتلك
هاجر:زى اختك
محمود:اها زى اختى ,ها بقى مقولتليش عوزانى فى ايه ؟
هاجر:عاوزاك تروحنى
محمود:حاضر
طول الطريق ونظرات هاجر اللى بيتلاشاها محمود لحد ما وصلوا عند البيت
محمود:مش عاوزه تقولي مالك برضوا
هاجر:متشكره على انك وصلتنى
محمود:لو احتاجتينى فى حاجه كلمينى
خرجت هاجر من العربيه من غير ما ترد على محمود اللى فضل مستنى لحد ما دخلت بعد ما وقفت لدقايق
__________________________
خرج عمر من شغله على بيت رقيه ,من غير اى تفكير وهو فى الطريق جيه فى باله كل التفكير السلبى اللى ممكن يكون حصل فهاجر بنت مش ساهله ولكنه حط قلبه فى المقدمه ,مهما كانت النتايج فلازم رقيه تبقى من نصيبه
وصل عمر المكان وقفت العربيه وكانها عارفه مكانها ,مستناش حتى يجمع نفسه ولكن قلبه سبقه لباب شقه رقيه
اتفتح الباب بعد تلات خبطات قلبه عدهم وسبق ايده فى منافسه الاكثر دق
فعقبال ما دق عمر تلات خبطات على الباب كان قلبه عدى الالف دقه بكتير
فتحت الباب سيده وقوره بتبتسم لعمر ,اتلبخ عمر لثوانى فهى حست بكده فأبتدت الكلام
ماجده:اهلا يا ابنى انت عاوز مين
عمر:انا ,هى دى شقه رقيه,اقصد المهندسه رقيه
ماجده:ايون اتفضل انا والدتها
عمر:متشكر جدا هى موجوده ,كويسه
ماجده:اه الحمد لله
عمر:بس هى مبتردش على التليفونات ومرحتش الشغل
حست ماجده ان ده الشاب اللى اتكلمت عليه رقيه من لهفت عنيه وقلقه الواضح ,فحبت تطمنه
ماجده:هى بس قالت تريح انهارده
اطمن عمر نوعا ما ولكن عدم ردها عليه قلقه
ماجده:حضرتك الاستاذ عمر
قلق عمر ولكن نظره الابتسامه اللى على وش ماجده قلقت من قلقه
عمر:اها انا عمر ,هو حضرتك تعرفينى
ماجده:ايوه يا ابنى ,رقيه كلمتنا عنك امبارح كتير اوى
رقيه فى دوامه احزانها سمعت صوت عمر ,حست انه بيتهيئلها ولكن صوت عمر اللى اتكرر اكدلها انها مش بيتهيألها
قامت من سريرها وخرجت لتتفاجأ بعمر اللى قام اول ما هى خرجت واتخض من منظرها اللى حولت تداريه ورا ابتسامه مامتها اللى زادت اول ما خرجت رقيه
ماجده:تشرب ايه يا حبيبى
عمر:شكرا يا ماما
ماجده:خلاص انا هعملك عصير
مشيت ماجده
عمر:ايه يا رقيه انا هموت من القلق عليكى طول النهار مروحتيش الشغل ولا بتردى حتى على موبيلك انتى كويسه
رقيه:انا كنت تعبانه شويه
عمر:رقيه انتى فيكى حاجه انا زعلتكـــ
دموع رقيه سبقتها ومقدرتش تعمل حاجه غير انها تفك قيود الدموع دى من عيونها
اتخض عمر من منظر رقيه ,مقدرش يشوفها كده ابداً
عمر:لالا رقيه ارجوكى فيه ايه انا زعلتك فى حاجه ارجوكى هى هاجر قالنلك حاجه والله يا رقيه انا معملتش حاجه
بصتله رقيه وعيطت اكتر لانه كده بيأكد كلام هاجر
رقيه:ارجوك انت كفايه كفايه كدب بقى ,لما انت بتحبها عملت كده معايا ليه
عمر:لالالا احب مين انا عمرى ما عرفت قلبى غير بيكى انتى صدقينى انا انا
رقيه:انت كداب ليه بتقول كده ارجوك سبنى فى حالى
عمر:ما انا حالك يا رقيه والله ما حبيت ولا هحب غيرك انا قولتلك انى عاوز اكلمك فى موضوع وهو ده الموضوع ,انا لسه عارف منك امبارح من كلامك مع ماما انك اختها والله ما كنت اعرف حاجه
رقيه:يعنى ايه
عمر:يارقيه ادينى فرصه اتكلم ,انتى اعقل من كده
رقيه:اتفضل
عمر:بصى انا كنت زى ما انتى شوفتينى اول مره ومش هوضحلك اكتر من كده ,انا هاجر مشوفتهاش غير مرتين ,مره مع واحد صاحبى هى كانت تعرفه وبعديها طلبت اقابلها اتكلمت معايا فى انها معجبه بيا وعرضت عليا الارتباط بس والله انا رفضت والله ده اللى حصل هى زى اختى الصغيره يا رقيه صدقينى
رقيه:بس برضوا هى بتحبك ,هاجر جت قالتلتى انك بتحبها وقالت عكس ده كله وانا مش هينفع اصدم اختى مش هينفع
عمر:يعنى ايه يارقيه
رقيه:انا فعلا حبيتك والله حبيتك بس دى اختى
عمر:اختك مش بتحبنى يا رقيه
رقيه:يبقى سبنى اتأكد واعرف هى عملت كده ليه دى اختى يا عمر
عمر:وانتى حب عمرى يا رقيه ,انا عارف انك هتبقى مراتى
قام عمر من مكانه وهو قايم وماجده خارجه من المطبخ ورقيه بتقوم من مكانها ,دخلت هاجر اللى طارت على لسلم لانها عارفه ان عمر موجود
بص الكل لبعض من غير كلمه ونزل عمر من جمب هاجر اللى بصت لرقيه واول ما عمر نزل ,دخلت رقيه اوضتها وسابت هاجر فى حيريتها
__________________________
رجع على مع منى البيت اللى حست ان حد كان هنا ونفس ست تانيه كان فى المكان وريحه البرفيوم بتاعه هاجر اللى احتفظ بيها المكان ,فاى مكان يتمنى يحتفظ ببرفيوم بنت بجمال هاجر
منى :هو انت جيت هنا
على:اه يا منى كنت هنا
منى:لوحدك
على:تصبحى على خير يا منى
منى:انت سايبنى وهتنام ,انا عاوزه اعرف يا على
على:انا مش فايق يا منى ارجوكى انا هفهمك كل حاجه قريب اوى ,ارجوكى انا مش ناقص
منى:ماشى يا على وانت من اهله
على:والله بحبك يا منى وانتى علمتينى درس عمرى ما هنساه
ودخل على وسط دهشه منى اللى منتهتش وخصوصا بعد جمله على دى ولكن قطع ده صوت عياط يوسف
__________________________
دخل محمود البيت وسط دوشه فى دماغه , الحاله اللى شاف فيها هاجر خلاها تصعب عليه ولكنها فى نفس الوقت خليته يستغرب من نفسه ,حس انه اول مره يشوف هاجر هو عارفها من شكلها ولكن محمود نفسه ميعرفهاش ,ازاى استغربها كده مع انه حبها بس اقتنع فى الاخر انه فعلا شال قلبه فى علبه السلسله وراح لصاحب نصيبه
واتخلقله قلب جديد لحب هبه اللى اتصل بيها علشان يطمنها
محمود:ايه بقى
هبه:ايه بقى
محمود:ايه بقى
هبه: كانت اللى ايه بقى
محمود:بحبك بقى
هبه:عملت ايه
محمود:ابدا والله مقلتش حاجه ,روحتها ع البيت ع طول
هبه:اومال ايه كانت عاوزاك لوحدكوا دى
محمود:معرفش والله يا هبه
هبه:هو انت تعرفها من زمان
محمود:اه كانت جارتنا وبعد كده عزلوا
هبه:جارتكوا بس
محمود:اه يا هبه جارتنا
هبه:بس اصلى حاسه انها يعنى
محمود:لا متحسيش يا هبه ,هاجر دى واحده مش بتحب غير نفسها ,انما انا بحبك انتى
__________________________
سألت هاجر مامتها عن عمر واللى حصل
هاجر:هو ايه حصل يا ماما
ماجده:والله يا حبيبتى ما اعرف انا روحت اعمله العصيير ومشى قبل حتى يا حبيبى ما يشربها
هاجر:طيب انا هدخلها
ماجده:ربنا يهديكوا على بعض يا حبيبتى يارب
خبطت هاجر على رقيه ولكن رقيه ردت عليها
رقيه:معلش يا هاجر سبينى دلوقت وانا شويه وهبقى اجيلك اوضتك
اتفاجأت هاجر من رد فعل رقيه الغريب ولكنها فى الاخر راحت لاوضتها وفكرت انها تستغل الوقت ده بانها تتصل بعبير تحكيلها على اللى حصل علشان تشوف حل فى المصيبه اللى هى فيها علشان تساعدها
تابع الحلقة القادمة من: قصة لا زلت ف الثلاثين – الفصل السادس والعشرون
تابعونا علي صفحة قصص واقعية علي الفيس بوك لمزيد من القصص
