قصة لا زلت ف الثلاثين – الفصل التاسع والعشرون
في الحلقة السابقة: قصة لا زلت ف الثلاثين – الفصل الثامن والعشرون
قصة لا زلت ف الثلاثين – الفصل التاسع والعشرون
دخلت رقيه اوضتها والسعاده موجوده مكان قلبها وكأن جسمها مكون من جزء واحــــــــــــد اسمه قلبهـــــــا
مسكت موبايلها وهتتصل بعمر فلقيته بيتصل بيها وكأن نظره عنيهــــــــــا رنت عليه
رقيه:كنت لسه هكلمكـــــ
عمر:واحد يا حبيبى
رقيه:عندى ليكــ مفاجأه
عمر:ثوانى ثوانى
رقيه:فيه ايه ؟
عمر:ابداً هروح عند السرير علشان لما يغمى عليا ,هقع واتكسر وهتجبس بتاع تلات اسابيع والمفاجأه هتبوظ
رقيه:بتهزر حضرتكـ
عمر:بهرج حضرتى
رقيه:طب مش هقول حاجه بقى
عمر:مهونش عليكى انا عارف انا
رقيه:امممممممممم بص يا سيدى هاجر جالها عريس
عمر:مبروك والله فرحتينى ,بس هى موافق يعنى وبتحبه ؟
رقيه:اها . انا مبسوطه اوى لكده وان موضوعنا خلاص يعنى
عمر:خلاص ايه اجى دلوقت يعنى ؟
رقيه:ههههههههههههههههههههه
عمر:طيب انا هقفل وجيلكوا
رقيه:جاى فين يا مجنون ووالدتك ,انا قولت لماما هتيجوا بعد بكره لما يجى عريس هاجر ,حتى اقترحنا نعمل خطوبتنا يوم كتب كتابها
عمر:كتب كتابها
رقيه:اه ما هو لازم يسافر وعاوزهم يتجوزوا علشان تكمل دراستها معاه وهى بتحبه فماما وفقت بقى
عمر:طيب انا جاى دلوقت
رقيه:اعقل يا ابنى
عمر:بقولك ايه ده انا ما صدقت ,ماما وهكلمها ومش عارف انتى عملتى فيها ايه بقت تسأل عليكى وتستعجلنى ,ومامتك وموافقه لانى اصلا فظيع ومترفضش وانتى وبتموتى فيا وانا وبعشقك والوقت لسا الساعه 8 يعنى على 9 هجيلكوا ,سلام سلام
رقيه:استنى بس
عمر:ايه ؟
رقيه:انا مجهزتش نفسى
عمر:يا شيخه هو انا غريب ده انا هبقى جوزك يعنى
خرجت رقيه تجرى على مامتها وهى بتحكيلها على اللى حصل مع عمر وماجده من فرحتها برقيه مبقتش عارفه تعمل ايه
رقيه:والجاتوه يا ماما والحاجه وووو
ماجده:تتحل يا حبيبتى انا هتصل بالناس يبعتوهم , ادخلى انتى بس اجهزى ,وكويس ان البيت مترتب ,لما هاجر قالتلى انهارده ,جتلنا واحده ووضبته ,جهزتلك فرحتكـــ
رقيه:انا ,انا ,انا بحبكـــــــ اوى يا ماما ,بحبك اوى
دخلت رقيه للمرايا اللى اول مره تقف قدامها , رقيه لبست فستان شيكــ لونه برونزى وقريب من لون بشرتها الخمرى ,اللى ضاف للفستان جمال ورفعت شعرها بطريقه زادتها انوثه ووضعت على وشها ميك اب دهبى و اللى زاده جمال قلبها اللى بينطق فرحــــــــه
__________________________
دخلت ماجده لهاجر اللى قاعده مترقبه اكونت محمود يتفتح واللى بتكلم عبير ومبتردش
ماجده:قومى يا حبيبتى البسى
هاجر:ليه يا ماما فيه ايه
ماجده:عمر جاى لاختك
هاجر:عمر ايه وجاى ليه
ماجده:جاى علشان يطلب ايديها البسى بسرعه يا حبيبتى زمانهم جايين
هاجر:مش هقدر يا ماما ,تعبانه فعلا
ماجده:مينفعش يا حبيبتى دى خطوبه اختك واليوم اللى بنستناه طول عمرنا
هاجر:ماشى يا ماما ماشى
خرجت ماجده وزادت نار هاجر فى اوضتها ,اللى حست انها هى اللى عملت فرحه رقيه بايديها ,ومش هتقدر تبوظها علشان نفسها وعلشان تخلص من على ,اقنعت نفسها بانها هتفوق لها بس بعد ما تخلص من كارثتها فى على
وابتدت تلبس اشيك ما عندها ومقارنه مع جمالها فهى اللى كانت بتضيف ليهم جمال ورونق خاص بيهم
__________________________
وقف عمر قدام المرايا بعد ما كلم مامته اللى وافقت على الفور بسبب نبره صوت عمر اللى ما سمعتهاش فى حياتها وفطرتها كأم غلبت على سيده الاعمال منال
مش عارف يلبس ايه او يعمل ايه متلغبط ومحتار وكأنه هيشوف رقيه لاول مره
اختار فى الاخر بدله تناسب المناسبه ووقف قدام المرايا مستغرب نفسه لانه مكنش متخيل انه قلبه هيحضر مناسبه زى دى وهو راضى عنها كمان
وفى الاخـــــــر جرى وخد عربيته وجرى علشان يروح لمامته
__________________________
محمود وعيلته وهبه وعيلتها متجمعين فى بيت هبه بيتفقوا على كتب الكتاب وتفاصيل جوازهم
محمود:ايه رأيك يا عمى
سعاد:وافق بقى يا ابو هبه خلينا نفرح
ابراهيم:على بركه الله يا ولاد ,نكتب الكتاب كمان يومين
ساميه:مبروك يا هبه
هبه:الله يبارك فيكى يا ماما
زغرطت سعاد وزغرطت ساميه وشكرى وابراهيم باركلوا لاولادهم وزغرط قلب هبه من الفرحه من نظره الحب اللى شافتها فى عيون محمود ,وبعدين وقفوا مع بعض فى البلكونه
محمود:انا بحبكـ
هبه:وانا بموت فيكــ
محمود:هتبقى مراتى بعد يومين ها ,يعنى مفيش خالتى وماما فاكره
هبه:اممممممم ,انا بقول نروح نعد معاهم برا
محمود:تعالى يا بت هنا
هبه:بت ,ده انا هبقى مراتك برضوا
محمود:دلوقت هبقى مراتك برضوا
__________________________
واقف على قدام العمليات مش عارف بقاله قد ايــــــه مش حاسب الوقت ولا عارف هو كتير وله قليل ,عكس رجله اللى عدت الثوانى بسبب وجعها وكأن عشر اجسام بحجم جسم على واقفين عليها ,فالهموم والتعب اوقات بيبقوا حمل على الجسم
واول ما خرج الدكتور جرى عليه على ووالده منى
على:خير يا دكتور ,عملت ايه,هى كويسه صح ؟
ابراهيم:احنا عاملنا اللى علينا والباقى على ربنا
على:يعنى ايه
ابراهيم:ادعولها
على:هنقدر نشوفها
ابراهيم:مش قبل بكره هى تحت تاثير البنج ومش هتفوق دلوقت العمليه كات كبيره اوى
وقف على وسط دعاء والده منى ,اللى شايله يوسف وبتدعى تخرج منى بالسلامه علشان خاطره
__________________________
خبط قلب عمر على قلب رقيــــــه ,فتحت اللى خرجت القلب ده للدنيا
ماجده:اهلا وسهلا اتفضلوا
دخلوا التلاته وراقبت منال البيت اللى كل حاجه فيه توضح ذوق عالى لمصمم الديكور البيت وخرجت هاجر من اوضتها ,اللى خطفت نظر منال بجمالها
منال:مين دى ؟
عمربعدم اهتمام:دى اخت رقيه الصغيره يا ماما
منال:غريبه
عمر:غريبه ايه
منال:انك متخترش دى
عمر:ههههههههههههههههههه
منال:بتضحك ليه
عمر:اصل انا اخترت صح
خرجت رقيه وقدمت العصير ليهم ولفتت النظر بذوقها العالى وجمالها العادى واسلوبها وذوقها اللى خطف قلب منال وخطف قلب عمر قبل كده
دخل عمر فى الموضوع على طول وطلب ايد رقيه ومكنش فيه خلاف على حاجه فالقلوب متفقه على كل حاجه وده االلى سهل الكلام وغير ان حياه عمر الماديه مستقره
وهاجر قاعده من بعيد هتتجنن من ان كل الامور ماشيه طبيعيه وفى احسن حال وان اختها اللى طول عمرها شايفاها اقل منها فى كل حاجه طريقه حبها كانت كده وهى وقعت فى شخص زى على ولكن شافت الامل الاخير فى محمود اللى هتعمل المستحيل علشان يبقى ليها
تابع الحلقة القادمة من: قصة لا زلت ف الثلاثين – الفصل الأخير
تابعونا علي صفحة قصص واقعية علي الفيس بوك لمزيد من القصص
