قصة لا زلت ف الثلاثين – الفصل الثامن عشر
في الحلقة السابقة: قصة لا زلت ف الثلاثين – الفصل السابع عشر
قصة لا زلت ف الثلاثين – الفصل الثامن عشر
سرح كل واحد فيهم مع نغمات عمرو ديـــــــــــاب واول ما خلصت الاغنيه شغل عمر مزيكا هاديه ووطى الصوت
عمر:تعـــــــرفى ؟
رقيه:لا معرفش ,بس ممكن اعرف منك دلوقت ؟
عمر:هههههههههههههههههههههه
رقيه:لا والله
عمر:اه والله صدقينى مش بهزر او بتريق دلوقت انا بتكلم جد
رقيه: عموماً يارب على طول كويس
عمر:هو ينفع يبقى ع طول بس بشرط
رقيه:شرط !!!!!!!
عمر: ايون شرط انك تفضلى فى حياتى
سكتت رقيه ومعرفتش ترد واحترم عمر كسوفها وسكوتها ده ووقفت العربيه قدام مطعم شيك ونزل الاتنين
عمر : تشربى ايه ؟
رقيه:مش عاوزه
عمر:لالالا انا مش بخيل على فكره وبعدين اول مره اول مره اقعد مع ملاك وميزدنيش شرف فى انها تشرب معايا حاجه
رقيه:اممممممم مع انك مكبرها اوى بس ممكن نسكافيه
عمر:ايه ده طلعتى بتشربى زينا لا وكمان نفس اللى بحبه
طلب عمر اتنين نسكافيه ليهم وبعد ما جالهم طلبهم
عمر : هو انا ممكن اسألك سؤال ؟
رقيه:اتفضل
عمر:هو انتى زينا كده ؟
بصتله رقيه باستغراب ومفهمتش هو يقصد ايه فسكتت وحتى ما طلبتش انه يفهمها السؤال
عمر:مردتيش ليه ؟
رقيه:بصراحخ
عمر:اه
رقيه:ههههههههههههههههههههه
ضحك عمر بدرجه كبيره من براءه رقيه التلقائيه
عمر:انا اقصد يعنى انتى زينا كده بشر يعنى
رقيه:ههههههههههههههههههههه
عمر:بس انا مش شايف كده ,انا شايف قدامى ملاكــــــ اتنازل وقاعد معايا
رقيه:ميرسى
عمر:ع فكره انا مكنتش بجاملكـــــ او بعرف ,انا واحد يا ستى كنت بجيب مع اى بنت من الاخر ,يعنى مكنش عندى وقت اروح لتحت بيت حد مثلا او اكلمه فى التليفون او اقع على السلم او حتى اشتغل
رقيه:وايه اتغير ؟
عمر: دخلت فى حياتى ملاك ,شكل ربنا ناوى يرضى عنى
سكت الاتنين شويه وبعدين بص عمر لرقيه ,ومسك خده التانى فبصتله رقيه وفهمته
رقيه:على فكره مكنش ده
عمر :ما انا عارف
رقيه:اومال ماسك خدك ده ليه
عمر :اصل حاسس انه هيحصل زميله
رقيه:ليه يعنى ,انت ناوى على ايه ؟
عمر :هو انا لو قولتلكــــــــ #بحبكــــ هيجرى حاجه
__________________________
فى غرفه احلام على ,قاعد هو وهاجر
على :هاجر
هاجر :نعم
على :بتحبينــــــــــى ؟
هاجر :اه
على :بجد يا هاجر
هاجر:اه بجد
على :يعنى تحت اى ظروف هتكونى معايا
هاجر :تقصد ايه يعنى
على :بسألكـــــ يا هاجر
هاجر:انا لازم اقوم دلوقت بقى
على :خليكى جمبى شويه
هاجر:عاوزه اروح لعبير شويه علشان كانت هتعملى مشكله
على :مشكله ايه ؟
هاجر:متشغلش بالك انت
على :هتوحشينى اوى
هاجر:وانت كمان
__________________________
خرج محمود من اوضته وهو فى كامل اناقتـــــــــــــه فبصتله سعاد فغمزلها وضحكـــــ
سعاد:ايه القمر ده ع فين بقى
محمود:رايح لهبه ننزل نروح كام محل كده دهب علشان الشبكه
سعاد:ربنا يسعدكم يا ابنى ,استأذنت من ابوها
محمود”طبعا يا امى ,انا نازل بقى علشان هى بتتصل
ركب محمود عربيته وبيسمع اغنيه لعمرو دياب ومنسجم معاها وبيدندن
(يا حبيب قلبى الوحيد هات ايديكــــ نبعد بعيد كل ما عيونكـــ تاخدنى يتولد احساس جديد )
وفجأه وقفت العربيه وايديه رفضت تكمل سواقه وسكتت كل الاغانى حوليه
وقف باصص شاف هاجر خارجه من اوتيل ومعاها على وماسكه فى ايده وشافت هاجر .محمود من بعيد فبصتله بصه رخمه ومسكت اكتر فى ايد على ومشيت
طول الطريق ومحمود مش قادر يجمع نفسه لحد بيت هبه واول ما شافها اترسمت الابتسامه على شفايفه من غير ما يحس و جمع نفسه من بعيد
ـ
هبه: وحشينى
محمود:وانتى اكتر
هبه:هتودينى فين ؟
محمود:لقلبـــــــــــى
هبه: بتقول لفين
محمود: لقلبـــــــــــــى
هبه :استنى كده علشان هيغمى عليا
محمود:استنى يا بت انا عاوزكــــ
هبه:وكمان بت ,لالا ليا حق ادوخ هتعرف تفوقنى
محمود:دوخى انتى بس وسبيها عليا
__________________________
راحت هاجر لبيت عبير واول ما شافتها عبير حضنتها
عبير :وحشتينى اوى اوى
بعدت هاجر عنها
هاجر:اه وحشتك اوى ,ايه اللى انتى قولتيه لرقيه ده ؟
عبير:قولت ايه والله ما عملت حاجه
هاجر:هتمثلى يا عبير انتى طول عمرك بتغيرى منى وبتضايقى منى
عبير:والله والله ما قولت حاجه .انا بس سألتها عليكى لانك وحشانى وبقالك فتره مطنشانى
هاجر:ايون وطالما مطنشاكى يبقى اعمل ايه يا عبير ,انكد عليها
عبير:انا برضوا يا هاجر
هاجر:بصى انا زهقت منكــــ ومتحوليش تعرفى عنى حاجه تانى ومن هنا ورايح انتى ملكيش كلام معايا
عبير:كده يا هاجر
هاجر:اه وحاولى تنضفى قلبك ده من جواكى شويه ,سلام
مشيت هاجر من عند عبير وهى بتعيط ,ازاى هاجر تفكر فيها كده وازاى تكلمها بالطريقه دى بعد ما بقت سرها وفى الاخر قررت انها لازم تضايقها فعلا
__________________________
خلصت الزحمه من عند منى وفضلت لوحدها هى وضيف الشقه الجديد اللى جالها فى اتعس ايام حياتها ,مش عارفه تتصرف ازاى او تعمل ايه كل اللى فى دماغها انها مينفعش ابنها يتربى بعيد عن باباه وانها لازم تحافظ على بيتها ,بس ازاى تحافظ عليه مش عارفه ,تصبر وعلى هيفوق وهيرجعلها او تتصرف
محمود رجع وعمال يفتكر منظر هاجر وعلى وهى خارجه من الاوتيل ومنظرهم مع بعض ما يبينش انها واحده مع مجرد حبيب وخروجها من اوتيل ده لوحده يخوف وعلى الرغم من كده فنظره هبه اللى جت فى باله محت المشهد ده من عنيه
__________________________
فضلت رقيــــــــه مذهوله مش عارفه تتصرف او حتى تفكر او حتى تفرح او تضربه زى ما هو متوقع
ولا حتى كانت عاوزه تسكت ,لاول مره تحس ان السكوت ده زى السجن ومقيدها ,عاوزه تقول
حاجات كتير ,بس مش عارفه تقول اى حاجه غير انها تسكت ,تسكت وبس
عمر: رقيه
رقيه:نعم
عمر:انا بحبكــــــ ,انتى مصدقانى صح
رقيه:هو انت بتحبنى فعلا ؟
عمر: لا
رقيه:نعم !!
عمر:بموت فيكى
رقيه:هو انت بتتكلم جد
عمر:انا اول مره اتكلم جد ,اول مره احب حد بجد ,اول مره اختار ,انتى اختيــــــــــــارى يا رقيه
رقيه:انا اختياركــ ؟
عمر:ايوه اختيارى ,انا طول عمرى كنت فاكر انى عايش واتارى الحياه فى وجودك انتى
رقيه:مش غريبه تتغير بسرعه كده وعلشان بنت عاديه
عمر:بنت عاديه !!!!!,انتى مش بنت عاديه انتى ملاك نازل من السما وموضوع تغييرى انتى اللى ميتغيرش علشانكـ يبقى مش موجود
رقيه: انا انا
عمر:انا انا اللى بحبكــــــــ وبموت فيكى ومش عاوزك تقولى بحبكـــــ دلوقت ,انا عاوزك بس تصدقينى ,دى معجزه بالنسبالى
رقيه:انت بتكبرها كده ليه
عمر:لان انتى اكبر من اى حاجه
طلع عمر من جيبه صندوق صغير وحطه قدام رقيه وقالها
عمر:ممكن تفتحيه ؟
فتحت رقيه الصندوق لقت قدامها قلب دهب بس واضح انه قديم ,مسكته وعجبها اوى
عمر:ده بقى قلبى انا
رقيه:قلبكــــــ انت
عمر:اه القلب ده جدتى ادتهولى هديه قبل ما تتوفى وقالتلى ,لما تلاقى قلبكــــ ادهوله
رقيه:ولقيته ؟
عمر:طبعاً ,, انتى تعرفى ان القلب ده بتاع جدى اهداه لجدتى اصلهم كانوا بيحبوا بعض لدرجه غريبه اوى ,انا اصلا مكنتش بصدق الحب ده بس هو مقارنه باللى فى قلبى فيعتبروا مش بيحبوا
رقيه:طيب ممكن نروح دلوقت علشان اتاخرت
عمر:طيب ممكن تاخدى قلبى الاول
رقيه:هو معايا خلاص
مسكت رقيه بالصندوق وهى فى منتهى السعاده
ركبوا العربيه هما الاتنين ووصلها لحد البيت وهى طالعه شافتها اللى كانت راجعه من بيت عبير
تابع الحلقة القادمة من: قصة لا زلت ف الثلاثين – الفصل التاسع عشر
تابعونا علي صفحة قصص واقعية علي الفيس بوك لمزيد من القصص
